കല്‍പ്പറ്റ: ശ്രീമാരിയമ്മന്‍ ദേവി ക്ഷേത്രോത്സവത്തിന്റെ ഭാഗമായി സംഘടിപ്പിച്ച സാംസ്‌കാരിക സമ്മേളനം ജില്ലാ പഞ്ചായത്ത് പ്രസിഡന്റ് ടി ഉഷാകുമാരി ഉദ്ഘാടനം ചെയ്തു. എ.സി ബാലകൃഷ്ണന്‍ ഭാരതീയ ദര്‍ശനം എന്ന വിഷയത്തില്‍ പ്രഭാഷണം നടത്തി. കെ രാജന്‍ അധ്യക്ഷനായി.
എം മോഹനന്‍, ഗിരീഷ് കല്‍പ്പറ്റ, കെ ബിജു, എ.സി അശോക് കുമാര്‍ സംസാരിച്ചു. ക്ഷേത്രകമ്മിറ്റി നടത്തിയ പ്രസാദം ഊട്ടില്‍ പതിനായിരങ്ങള്‍ പങ്കെടുത്തു. പ്രധാന ഉത്സവം നാളെ നടക്കും. ആദിവാസി കോളനികളില്‍ നിന്നുള്ള കാഴ്ച വരവുകള്‍, കനലാട്ടം, ഗുരുസി ആട്ടം എന്നിവയും നടക്കും. ഉത്സവ പരിപാടികള്‍ക്ക് ശബ്ദവും വെളിച്ചവും ഒരുക്കിയ സതീഷ് ദാസിന് ക്ഷേത്ര സമിതിയും ജീവനക്കാരും നല്‍കുന്ന  ഉപഹാരം ജില്ലാ പഞ്ചായത്ത് പ്രസിഡന്റ്  വിതരണം ചെയ്തു.