ഇസ്‌ലാമബാദ്: ഇന്ത്യന്‍ അന്തര്‍വാഹിനി തങ്ങളുടെ സമുദ്രാതിര്‍ത്തി ലംഘിച്ചെന്നാരോപിച്ച് പാകിസ്താന്‍ രംഗത്ത്. എന്നാല്‍, പാകിസ്താന്‍ പുറത്തുവിട്ട വിഡിയോ രണ്ടുവര്‍ഷം മുന്‍പുള്ളതാണെന്നു ചൂണ്ടിക്കാട്ടി സംഭവം ഇന്ത്യ നിഷേധിച്ചു.

തിങ്കളാഴ്ച തങ്ങളുടെ സമുദ്രാതിര്‍ത്തിയില്‍ ഇന്ത്യന്‍ അന്തര്‍വാഹിനി പ്രവേശിച്ചെന്നും എന്നാല്‍ ഇത് തങ്ങള്‍ തടഞ്ഞെന്നുമായിരുന്നു പാക് ആരോപണം. നിലവിലെ സമാധാനശ്രമങ്ങള്‍ തകിടംമറിക്കേണ്ടെന്നു കരുതിയാണ് തിരിച്ചടിക്കാതിരുന്നതെന്നും പാക് നാവികസേനാ വക്താവ് പറഞ്ഞിരുന്നു. എന്നാല്‍, ഇക്കാര്യം നിഷേധിച്ച ഇന്ത്യ, ഇതുമായി ബന്ധപ്പെട്ട് പുറത്തുവന്ന വിഡിയോ 2016 നവംബര്‍ 18ലേതാണെന്ന് വ്യക്തമാക്കി.