ശ്രീകാര്യം: കാറും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ പരുക്കേറ്റ് റോഡില്‍ വീണ മധ്യവയസ്‌കനു തുണയായി മന്ത്രി സുനില്‍കുമാര്‍.
കഴിഞ്ഞദിവസം രാവിലെ 10ന് ശ്രീകാര്യം കല്ലമ്പള്ളിയിലായിരുന്നു സംഭവം. ആറ്റിങ്ങലില്‍ ഉദ്ഘാടന പരിപാടി കഴിഞ്ഞ് തിരുവനന്തപുരത്തേക്കു മടങ്ങുമ്പോഴായിരുന്നു സ്‌കൂട്ടര്‍ യാത്രികനായ മധ്യവയസ്‌കന്‍ റോഡില്‍ അപകടത്തില്‍പെട്ട് വീണുകിടക്കുന്നത് കണ്ടത്.
ഉടന്‍തന്നെ ഔദ്യോഗിക വാഹനം നിര്‍ത്തി പുറത്തിറങ്ങിയ മന്ത്രി കുടിവെള്ളവുമായെത്തി പരുക്കേറ്റയാളെ പരിചരിച്ച് മറ്റൊരു കാറില്‍ മെഡിക്കല്‍ കോളജ് ആശുപത്രിയില്‍ എത്തിച്ചു.