താമരശ്ശേരി: കേരള പ്രകൃതി സംരക്ഷണ ഏകോപന സമിതിയുടെ നേതൃത്വത്തില്‍ താമരശ്ശേരി ചുരത്തില്‍ നടന്ന പ്രകൃതി പഠന മഴക്കാല യാത്രയില്‍ പുതുപ്പാടി ഗ്രാമപഞ്ചായത്ത് കുടുംബശ്രീ സി.ഡി.എസിനു കീഴിലുള്ള ബാലസഭാ കുട്ടികളും പങ്കെടുത്തു.
ലക്കിടിയിലെ വയനാട് ഗെയ്റ്റില്‍ നിന്നു രാവിലെ 10ന് ആരംഭിച്ച മഴക്കാല യാത്ര വൈകിട്ടു മൂന്നോടെ അടിവാരത്തു സമാപിച്ചു.
ഒരു വാര്‍ഡില്‍ നിന്നു രണ്ടു ബാലസഭാ കുട്ടികള്‍ വീതമാണു പങ്കെടുത്തത്. പങ്കെടുത്ത കുട്ടികള്‍ക്ക് സര്‍ട്ടിഫിക്കറ്റുകള്‍ വിതരണം ചെയ്തു. യാത്രയ്ക്കു സി.ഡി.എസ് വൈസ് ചെയര്‍പേഴ്‌സന്‍ ബിന്ദു സാമി, ഉപസമിതി കണ്‍വീനര്‍മാരായ ആമിന മലയില്‍, ബിന്ദു പ്രസാദ്, ലിജി ജോഷി, മെമ്പര്‍മാരായ ദേവി രാജന്‍, പ്രജിഷ ബാബു, ഉമൈബ സിദ്ദീഖ് നേതൃത്വം നല്‍കി.