ദോഹ: ഖത്തറില്‍ ഇന്ന് 1,390 പേര്‍ക്ക് കൂടി കൊവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 124 പേര്‍ക്കു കൂടി രോഗം ഭേദമായി.14 പേരാണ് ഖത്തറില്‍ ഇതുവരെ കൊവിഡ് ബാധിച്ചുമരിച്ചത്.

പുതിയ കണക്കുകള്‍ പ്രകാരം 26539 പേര്‍ക്കാണ് ഖത്തറില്‍ ഇതുവരെ രോഗം സ്ഥിരീകരിച്ചത്. 3143പേര്‍ രോഗമുക്തി നേടി. 24 മണിക്കൂറിനിടെ 3833 പേര്‍ക്ക് കൊവിഡ് പരിശോധന നടത്തി. മൊത്തം പരിശോധന നടത്തിയവരുടെ എണ്ണം 1,39,127 ആയി. 23,382 പേരാണ് ഇപ്പോള്‍ ചികിത്സയില്‍ ഉള്ളത്.രോഗികളില്‍ ഭൂരിഭാഗവും വിവിധ മേഖലകളില്‍ ജോലി ചെയ്യുന്ന പ്രവാസി തൊഴിലാളികളാണ്. രോഗീ സമ്പര്‍ക്കത്തിലൂടെയാണ് ഇവര്‍ക്ക് കൊവിഡ് പകര്‍ന്നത്. കുടുംബക്കാരില്‍ നിന്ന് രോഗം പകര്‍ന്ന ഏതാനും സ്വദേശികളും പ്രവാസികളും പുതുതായി രോഗം സ്ഥിരീകരിക്കപ്പെട്ടവരില്‍ ഉണ്ട്. രോഗം സ്ഥിരീകരിച്ചവരെ മുഴുവന്‍ ക്വാരന്റൈന്‍ ചെയ്തു.

രോഗിയുമായി സമ്പര്‍ക്കത്തിലായവരെയും രാജ്യത്തിന്റെ വിവിധ ഭാഗങ്ങളില്‍ നിന്ന് റാന്‍ഡം ടെസ്റ്റിനായി തിരഞ്ഞെടുക്കപ്പെടുന്നവരെയുമാണ് കൊവിഡ് ടെസ്റ്റിന് വിധേയരാക്കുന്നത്. ഇതിന് അനുസരിച്ച് ദിവസേന ടെസ്റ്റ് നടത്തുന്നവരുടെ എണ്ണത്തില്‍ വ്യത്യാസം വരുമെന്ന് ഖത്തര്‍ ആരോഗ്യ മന്ത്രാലയം അറിയിച്ചു. സാമൂഹിക വ്യാപനവും ലക്ഷണമില്ലാത്ത രോഗികളെയം തിരിച്ചറിയുന്നതിന് ആരോഗ്യ മന്ത്രാലയം ഡ്രൈവ് ത്രൂ ടെസ്റ്റ് ആരംഭിച്ചിട്ടുണ്ട്.