കോഴിക്കോട്: തെക്കേപ്പുറം ഫുഡ് ഫെസ്റ്റ് 12 മുതല്‍ 14 വരെ  എം.എസ് അബുഹാജി ഹാളില്‍ നടക്കുമെന്ന് തെക്കേപ്പുറം ഭക്ഷ്യവേദി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.  വൈകിട്ട് 3 മുതല്‍ 10 വരേയാണ് മേള. തെക്കേപ്പുറത്തെ 36  റെസിഡന്‍സ് അസോസിയേഷനുകളുടെ സഹകരണത്തോടെയാണ് ഭക്ഷ്യമേള നടത്തുന്നത്. മലബാര്‍ മുസ്‌ലിംകളുടെ പരമ്പരാഗത വിഭവങ്ങള്‍, തെക്കേപ്പുറത്തിനെ പ്രതിനിധാനം ചെയ്യുന്ന ഗുജറാത്തി സമൂഹത്തിന്റെയും, ബോറ സമുദായത്തിന്റെയും ഭക്ഷണ വൈവിധ്യങ്ങളും കേരളത്തനിമയിലുള്ള സസ്യ വിഭവങ്ങളും മേളയ്‌ക്കെത്തും.
വാര്‍ത്താസമ്മേളനത്തില്‍ ചെയര്‍മാന്‍ എസ്.കെ. കുഞ്ഞുമോന്‍, ജനറല്‍ കണ്‍വീനര്‍ എം.പി. കോയട്ടി, കണ്‍വീനര്‍ ഐ.പി. ഉസ്മാന്‍ കോയ, പി. റമീസ് അലി, കെ.പി. ഹബീബ്, പി.പി. അലിഫൈസല്‍  പങ്കെടുത്തു.