പാലക്കാട്: ഹൈന്ദവ രാഷ്ട്രീയത്തിന്റെ മറവില്‍ വികസന പ്രവര്‍ത്തനങ്ങളെ അട്ടിമറിക്കാന്‍ ബി ജെ പിയും സ്വന്തം വീഴ്ചകളെ മറച്ചുവെച്ച് ഇരുട്ടുകൊണ്ട് ഓട്ടയടക്കാന്‍ ശ്രമിക്കുന്ന പാലക്കാട് എം പി, പാലക്കാട് ജനതയെ വഞ്ചിച്ചുവെന്ന് യൂത്ത് കോണ്‍ഗ്രസ് സംസ്ഥാന പ്രസിഡന്റ് അഡ്വ. ഡീന്‍ കുര്യാക്കോസ്.
കോച്ച് ഫാക്ടറി നിഷേധിച്ച കേന്ദ്രസര്‍ക്കാരിനും സ്ഥലം എം പിയുടെ അനാസ്ഥക്കുമെതിരെ യൂത്ത് കോണ്‍ഗ്രസ് പാലക്കാട് പാര്‍ലിമെന്റ് കമ്മിറ്റിയുടെ നേതൃത്‌വ്തതില്‍ റെയില്‍വേ ഡിവിഷണല്‍ ഓഫീസിന് മുന്നില്‍ വെച്ച് നടത്തിയ പ്രതിഷേധ ധര്‍ണ ഉദ്ഘാടനം ചെയ്ത് സംസാരിക്കുകയായിരുന്നു.
അദ്ദേഹം യൂത്ത് കോണ്‍ഗ്രസ് പാര്‍ലിമെന്റ് പ്രസിഡന്റ് ടി എച്ച് ഫിറോസ്ബാബു അധ്യക്ഷനായി. എ. ഐ. സി. സി. അംഗം. വി എസ്. വിജയരാഘന്‍ (മുന്‍ എം പി) മുഖ്യപ്രഭാഷണം നടത്തി. ഡി. സി. സി. പ്രസിഡന്റ് വി. കെ. ശ്രീകണ്ഠന്‍, കെ. പി. സി. സി. സെക്രട്ടറി സി. ചന്ദ്രന്‍, യു. ഡി. എഫ.് ചെയര്‍മാന്‍ എ രാമസ്വാമി, ഡി സി സി ജനറല്‍ സെക്രട്ടറി കെ രാമചന്ദ്രന്‍, യൂത്ത് കോണ്‍ഗ്രസ് പാര്‍ലിമെന്റ് ഭാരവാഹികളായ വി കെ ബൈജു, ഷഫീഖ്, മനോജ്, വി എം മുസ്തഫ, വിനോദ് പട്ടിക്കര, മുരുകാനന്ദന്‍, റിയാസ് തച്ചമ്പാറ, കെ എസ് യു ജില്ലാ പ്രസിഡന്റ് ജയഘോഷ് എന്നിവര്‍ സംസാരിച്ചു.
കോച്ച് ഫാക്ടറി നിഷേധിച്ച നടപടിയില്‍ പ്രതിഷേധിച്ച് ശക്തമായ സമരവുമായി യൂത്ത #്‌കോണ്‍ഗ്രസ് ജൂലൈ ഒന്ന് മുതല്‍ ജൂലൈ 10വരെ മണ്ഡലം കമ്മിറ്റിയുടെ നേതൃത്വത്തില്‍ പൊതുജനങ്ങളില്‍ നിന്ന് ഒരു ലക്ഷം ഒപ്പുകള്‍ ശേഖരിച്ച് പ്രധാനമന്ത്രിക്ക് ബീമഹര്‍ജി നല്‍കുവാനും നിയോജക മണ്ഡലം കമ്മിറ്റികളുടെ നേതൃത്വത്തില്‍ നിയോജക മണ്ഡലം ആസ്ഥാനങ്ങളില്‍ പൊതുയോഗങ്ങള്‍ സംഘടിപ്പിക്കുവാനും തുടര്‍നടപടികള്‍ കേന്ദ്ര ഗവണ്‍മെന്റ് എടുക്കാത്തപക്ഷം പാലക്കാട് റെയില്‍വേ ഡിവിഷണല്‍ ഓഫീസ് ഉപരോധം ഉള്‍പ്പെടെയുള്ള സമരങ്ങളുമായി മുന്നോട്ട് പോകുമെന്ന് യൂത്ത് കോണ്‍ഗ്രസ് പാര്‍ലിമെന്റ് കമ്മിറ്റി പ്രസിഡന്റ് ടി. എച്ച്. ഫിറോസ്ബാബു പറഞ്ഞു.