തെഹ്‌റാന്‍: ഇറാന്‍ പരമോന്നത നേതാവ് ആയത്തുള്ള ഖാംനഇ കൊല്ലപ്പെട്ടതിന് പിന്നാലെ ഇറാന്‍ നടത്തിയ പ്രത്യാക്രമണത്തില്‍ ഗള്‍ഫ് മേഖലയില്‍ കനത്ത നാശനഷ്ടം. ഇറാന്റെ ആക്രമണത്തില്‍ ഒമാനിലെ ഖസബ് തുറമുഖത്തെ എം/ടി സ്‌കൈ ലൈറ്റ് എന്ന ഇന്ധന ടാങ്കര്‍ തകര്‍ന്നു. സ്‌ഫോടനത്തില്‍ കപ്പലില്‍ വന്‍ തീപിടിത്തമുണ്ടായി. 

കപ്പലില്‍ 15 ഇന്ത്യക്കാരടക്കം 20 പേരാണ് ഉണ്ടായിരുന്നത്. ഇതില്‍ നാലുപേര്‍ക്ക് പരിക്കേറ്റതായാണ് റിപ്പോര്‍ട്ട്. ജീവനക്കാരെ സുരക്ഷിതമായി ഒഴിപ്പിച്ചെന്നാണ് റിപ്പോര്‍ട്ട്. കൂടുതല്‍ വിശദാംശങ്ങള്‍ പുറത്തുവിട്ടിട്ടില്ല. 

ALSO READ: ഇറാന്റെ ലീഡര്‍ഷിപ്പ് കൗണ്‍സില്‍ അംഗമായി അലി രിസാ അറഫി നിയമിതനായി; സൈനിക മേധാവിയായി ബ്രിഗേഡിയര്‍ ജനറല്‍ അഹമ്മദ് വാഹിദിയും | US, Israel attack Iran live 

അതേസമയം ഒമാനില്‍ വിവിധയിടങ്ങളില്‍ ഡ്രോണ്‍ ആക്രമണം നടന്നതായാണ് റിപ്പോര്‍ട്ടുകള്‍. ആക്രമണത്തില്‍ അഞ്ചുപേര്‍ക്ക് പരിക്കേറ്റിട്ടുണ്ട്. ഒമാനിലെ ദുക്കം തുറമുഖത്ത് രണ്ട് ഡ്രോണുകള്‍ പതിച്ചെന്നും, തൊഴിലാളികളുടെ താമസ സ്ഥലത്താണ് ഡ്രോണുകള്‍ വീണതെന്നും അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു.

an oil tanker off the coast of oman was attacked by iran; the ship caught fire and 20 workers were evacuated.