പ്രതിസന്ധിക്ക് അയവില്ല; ഹോര്മുസ് കടലിടുക്കിലേക്ക് പ്രവേശിക്കാനാവാതെ കപ്പലുകള്; വന്കിട കമ്പനികള് യാത്ര റദ്ദാക്കി
Web Desk
March 01, 2026 | 11:08 AM
തെഹ്റാന്: പശ്ചിമേഷ്യയില് സംഘര്ഷം രൂക്ഷമായതോടെ ഹോര്മുസ് കടലിടുക്കില് പ്രതിസന്ധി കനക്കുന്നു. ഹപഗ് ലോയ്ഡ് ഉള്പ്പെടെ വന്കിട ഷിപ്പിങ് കമ്പനികള് മേഖലയിലൂടെയുള്ള ചരക്ക് യാത്രകള് റദ്ദാക്കി. കപ്പല് പാത ഉപയോഗിക്കരുതെന്ന് കമ്പനികള്ക്ക് ഇന്നലെ മുതല് മുന്നറിയിപ്പകള് ലഭിച്ചിരുന്നു.
ആഗോള വിപണിയില് വലിയ പ്രതിസന്ധിക്ക് കാരണമായേക്കാവുന്ന സാഹചര്യമാണ് നിലവിലുള്ളത്. ഹോര്മുസ് പാത പൂര്ണമായും അടയ്ക്കുമെന്ന് ഇറാന് നേരത്തെ മുന്നറിയിപ്പ് നല്കിയിരുന്നു. സംഘര്ഷം നീളുന്നത് ഗള്ഫ് രാജ്യങ്ങളിലെ ചരക്കുനീക്കം പ്രതിസന്ധിയിലാക്കും. ആഗോള വിപണി സ്തംഭിക്കാനും, എണ്ണ വില കുത്തനെ കൂടാനും സാധ്യതയുണ്ട്. നിലവില് നിരവധി കപ്പലുകള് ഹോര്മുസ് കടലിടുക്കിലേക്ക് പ്രവേശിക്കാതെ കാത്തിരിക്കുകയാണ്.
ഇന്ത്യന് മഹാസമുദ്രത്തില് നിന്ന് പേര്ഷ്യന് കടലിടുക്കിലേക്കുള്ള കവാടമാണ് ഹോര്മുസ് എന്നറിയപ്പെടുന്നത്. വടക്ക ഇറാനും തെക്ക് യു.എ.ഇയുമാണ് അതിര്ത്തി പങ്കിടുന്നത്. 160 കിലോമീറ്റര് നീളവും 33 കിലോമീറ്റര് വീതിയുമുള്ള ഈ കടലിടുക്കിന് 3.2 കിലോമീറ്റര് വീതിയുള്ള കപ്പല് ചാലിലൂടെ മാത്രമേ കപ്പലുകള്ക്ക് കടന്നുപോകാന് കഴിയുകയുള്ളൂ. ഏഷ്യയിലേക്കുള്ള 83 ശതമാനം എല്.എന്.ജിയും ഹോര്മുസ് കടലിടുക്ക് വഴിയാണ് നടക്കുന്നത്. കഴിഞ്ഞ വര്ഷം ആ കടലിടുക്ക് വഴിയുള്ള അസംസ്കൃത എണ്ണയുടെ 69 ശതമാനവും ചൈന, ഇന്ത്യ, ജപ്പാന്, ദക്ഷിണ കൊറിയ എന്നീ രാജ്യങ്ങളിലേക്കാണ് എത്തിയത്.
As the conflict in the Middle East becomes more serious, tensions are rising in the Strait of Hormuz. Big shipping companies, including Hapag-Lloyd, have stopped sending cargo ships through the area. Since yesterday, companies have been warned not to use this sea route.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."
