കല്‍പ്പറ്റ: നടന്‍ ജോയ് മാത്യു കഥയറിയാതെ ആട്ടം കാണുകയാണെന്ന് മന്ത്രി എം.എം മണി മാധ്യമപ്രവര്‍ത്തകരോട് പറഞ്ഞു.
കാര്യങ്ങള്‍ മനസിലാക്കാതെയാണ് തോന്നുന്ന കാര്യങ്ങള്‍ വിളിച്ചുപറയുന്നത്. മന്ത്രിക്കെതിരേയുള്ള ജോയ് മാത്യുവിന്റെ പ്രസ്താവന സംബന്ധിച്ച ചോദ്യത്തിനായിരുന്നു മന്ത്രിയുടെ മറുപടി. താന്‍ രാഷ്ട്രീയപ്രവര്‍ത്തനം തുടങ്ങിയിട്ട് കാലമേറെയായി.
ജിഷ്ണു പ്രണോയിയുടെ മാതാവ് മഹിജയെ കുറിച്ച് താന്‍ പറഞ്ഞ വാക്കുകള്‍ മാധ്യമങ്ങള്‍ വളച്ചൊടിക്കുകയായിരുന്നു.
പ്രശ്‌നം വഷളായ സാഹചര്യത്തില്‍ മുഖ്യമന്ത്രി ജിഷ്ണുവിന്റെ മാതാവിനെ സന്ദര്‍ശിക്കുന്നത് ഒഴിവാക്കുന്നതാണ് നല്ലതെന്നാണ് ഉദ്ദേശിച്ചത്. പ്രതികളെ പിടികൂടിയതിനുശേഷം മുഖ്യമന്ത്രി സന്ദര്‍ശിച്ചാല്‍ മതിയെന്ന് മഹിജ നേരത്തേ പറഞ്ഞിരുന്നു.
മുഖ്യമന്ത്രി സന്ദര്‍ശിക്കുമ്പോള്‍ വാതിലടക്കുന്ന സാഹചര്യമുണ്ടാകുന്നത് ഒഴിവാക്കുന്നതാണ് നല്ലതെന്നാണ് പറഞ്ഞതെന്നും അദ്ദേഹം പറഞ്ഞു.