തിരുവനന്തപുരം: കെ.എസ്. ആര്‍.ടി.സിയില്‍ നിന്ന് പിരിച്ചുവിട്ടതിനെ തുടര്‍ന്ന് അനിശ്ചിതകാലമായി എംപാനല്‍ ജീവനക്കാര്‍ സെക്രട്ടേറിയറ്റിനു മുന്നില്‍ നടത്തി വന്ന സമരം ഒത്തു തീര്‍ന്നു.

ഗതാഗത മന്ത്രി എ.കെ ശശീന്ദ്രനുമായി സമരസമിതി നേതാക്കള്‍ നടത്തിയ ചര്‍ച്ചയിലാണ് തീരുമാനം. അഞ്ചു വര്‍ഷത്തെ സര്‍വിസുള്ളവരേ ജോലിയില്‍ തിരിച്ചെടുക്കുമെന്നാണ് ചര്‍ച്ചയിലുണ്ടായ ഒരു തീരുമാനം. ഇവരേ ലീവ് വേക്കന്‍സിയില്‍ പരിഗണിക്കുവാനാണ് ഉദ്ദേശിക്കുന്നതെന്ന് മന്ത്രി സമരക്കാരെ അറിയിച്ചു.

ഇതോടെയാണ് അനിശ്ചിതകാല സമരത്തിന് ഒത്തു തീര്‍പ്പായത്. തൊഴിലാളികളുടെ വ്യത്യസ്തമായ സമരമുറകളും ആത്മഹത്യാഭീഷണികളും വരേയാണ് സെക്രട്ടേറിയറ്റിനു മുന്നില്‍ സമരക്കാര്‍ നടത്തിയിരുന്നത്.