കൊച്ചി: ഇടപ്പള്ളി വലിയ പള്ളിക്കു സമീപം രണ്ടു കാറുകളിലായത്തെിയ സ്ത്രീയടങ്ങുന്ന സംഘം ട്രാഫിക് വാര്‍ഡനെ അസഭ്യം വിളിക്കുകയും മര്‍ദിക്കാന്‍ ശ്രമിക്കുകയും ചെയ്‌തെന്ന് ആരോപണം. സംഭവത്തില്‍ നാട്ടുകാരും ഇടപെട്ടതോടെ രണ്ടു മണിക്കൂറോളം പ്രദേശത്ത് രൂക്ഷമായ ഗതാഗതക്കുരുക്ക് അനുഭവപ്പെട്ടു.
ശനിയാഴ്ച വൈകീട്ട് മൂന്നരയോടെയാണ് സംഭവം. രാവിലെ ലുലുമാളിന് സമീപം ഇവര്‍ സഞ്ചരിച്ച കാര്‍ വാര്‍ഡന്റെ കാലില്‍ തട്ടിയതാണ് പ്രശ്‌നങ്ങള്‍ക്കു തുടക്കം. കാറിലുള്ളവരെ വാര്‍ഡന്‍ ശാസിച്ചതിന്റെ പ്രതികാരമായാണ് ഇവര്‍ വൈകുന്നേരം രണ്ടു കാറുകളിലായത്തെി വാര്‍ഡനെ അസഭ്യം പറഞ്ഞതും മര്‍ദിക്കാന്‍ ശ്രമിച്ചതും.
സംഭവം ശ്രദ്ധയില്‍പ്പെട്ട നാട്ടുകാരും പ്രശ്‌നത്തില്‍ ഇടപെട്ടതോടെ ഗതാഗതക്കുരുക്ക് രൂക്ഷമായി. പൊലിസത്തെി പ്രശ്‌നം പരിഹരിച്ചതിനു ശേഷം പോയാല്‍ മതിയെന്ന് പറഞ്ഞ് നാട്ടുകാര്‍ ഇവരുടെ വാഹനം തടഞ്ഞിട്ടു. ആഡംബര വാഹനങ്ങളിലാണ് ഇവര്‍ എത്തിയത്. ഇരുവാഹനങ്ങളിലുമായി ആറോളം പേരും കുട്ടികളുമുണ്ടെന്ന് ദൃക്‌സാക്ഷികള്‍ പറയുന്നു. ഒടവില്‍ എളമക്കര പൊലിസത്തെി പരാതി സ്വീകരിച്ച് പ്രശ്‌നം പരിഹരിച്ചു. അസഭ്യം പറഞ്ഞെന്നാരോപിച്ച് ഇരുകൂട്ടരും പരാതി നല്‍കിയിട്ടുണ്ടെന്നും അന്വേഷിക്കുകയാണെന്നും പൊലിസ് പറഞ്ഞു.