ഏറ്റുമാനൂര്‍: ലോകകപ്പ് ഫുട്‌ബോളില്‍ അര്‍ജന്റീന തോറ്റതിനു പിന്നാലെ കാണാതായ യുവാവിന്റെ മൃതദേഹം കണ്ടെത്തി. മീനച്ചിലാറ്റിലാണ് യുവാവിന്റെ മൃതദേഹം കണ്ടെത്തിയത്.

മെസ്സിയുടെ കടുത്ത ആരാധകനായ ആറുമാനൂര്‍ കൊറ്റത്തില്‍ കെ.പി അലക്‌സാണ്ടര്‍ ചിന്നമ്മ ദമ്പതികളുടെ മകനായ ദിനു അലക്‌സിനെയാണ് (30) കഴിഞ്ഞ ദിവസം കാണാതായത്. ആത്മഹത്യാക്കുറിപ്പ് വീട്ടില്‍നിന്ന് കണ്ടെടുത്തിട്ടുണ്ട്.

ഇന്നലെ എട്ടു മണിക്കൂറോളം അഗ്നിശമന സേനയുടെയും പൊലിസിന്റെയും നാട്ടുകാരുടെയും നേതൃത്വത്തിൽ മീനച്ചിലാറ്റില്‍ തെരച്ചില്‍ നടത്തിയിരുന്നു.