ചിങ്ങവനം(കോട്ടയം): കോണ്‍ഗ്രസ് നേതാക്കള്‍ ബി.ജെ.പിയിലേക്ക് പോകുമെന്ന പ്രചാരണം ദിവാസ്വപ്നം മാത്രമെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. കോണ്‍ഗ്രസിന്റെ ഒരു പഞ്ചായത്ത് അംഗം പോലും ബി.ജെ.പിയില്‍ പോകില്ലെന്നും അദ്ദേഹം വ്യക്തമാക്കി. കോട്ടയം പനച്ചിക്കാട്ടിന് സമീപം കൊയ്ത്തുത്സവം ഉദ്ഘാടനം ചെയ്തതിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ജിഷ്ണുവിന്റെ അമ്മാവന്‍ ശ്രീജിത്തിനെ പുറത്താക്കിയ സി.പി.എമ്മിന്റെ നീതിബോധം എന്തെന്ന് മനസ്സിലാകുന്നില്ല. ഷാജഹാന്‍ ഉള്‍പ്പെടെയുള്ളവരെ അറസ്റ്റ് ചെയ്ത കാര്യത്തില്‍ തുറന്ന മനസാണ് സര്‍ക്കാര്‍ കാണിക്കേണ്ടതെന്നും അദ്ദേഹം പറഞ്ഞു.