കൊച്ചി: ഫ്രാന്‍സിസ് മാര്‍പാപ്പയ്ക്ക് പിന്തുണ നല്‍കി പെസഹ വ്യാഴാഴ്ച 12 സ്ത്രീകളുടെ കാല്‍കഴുകല്‍ ശുശ്രൂഷ നടത്തും. വ്യാഴാഴ്ച ഉച്ചയ്ക്ക് 1.30 ന് എറണാകുളം മഹാരാജാസ് കോളജ് ഗ്രൗണ്ടിന് സമീപമുള്ള ഐ.എം.എ ഹാളില്‍ ആണ് കാല്‍കഴുകല്‍ ശുശ്രൂഷ നടത്തുന്നത്. ഫാദര്‍ എബ്രഹാം കൂത്തോട്ടില്‍, ഫാദര്‍ ഷിബു, ഫാദര്‍ ജോസഫ് പള്ളത്ത്, ഫാദര്‍ ക്ലമന്റ് തുടങ്ങിയവര്‍ കാര്‍മികത്വം വഹിക്കും. പെസഹ തിരുനാളിനോട് അനുബന്ധിച്ച് നടക്കുന്ന കാല്‍കഴുകല്‍ ശുശ്രൂഷയില്‍ സ്ത്രീകളേക്കൂടി പരിഗണിക്കണമെന്ന ഫ്രാന്‍സിസ് മാര്‍പാപ്പയുടെ ആഹ്വാനം സ്വീകരിക്കുന്നതിന്റെ ഭാഗമാണ് ചടങ്ങെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.