റിയാദ്: സഊദിയില്‍ ഇ-സിമ്മുകള്‍ ഉടന്‍ പ്രാബല്യത്തില്‍ വരുമെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. സഊദി ടെലികോം അധികൃതരെ ഉദ്ധരിച്ചാണ് പ്രാദേശിക മാധ്യമങ്ങള്‍ ഇക്കാര്യം റിപ്പോര്‍ട്ട് ചെയ്തത്. നൂതന സ്മാര്‍ട്ടഫോണുകള്‍ക്ക് അനുയോജ്യമായ രീതിയില്‍ വിവിധ ടെക്‌നോളജിയിടെയായിരിക്കും ഇ സിമ്മുകള്‍ പ്രവര്‍ത്തിക്കുക. ഒരു കാര്‍ഡില്‍ നിന്ന് തന്നെ ഒന്നിലധികം സിം കാര്‍ഡുകളുടെ സേവനം ലഭ്യമാകുമെന്നതാണ് ഇതിന്റെ ഏറ്റവും വലിയ അപ്രത്യേകത. ഐ ഫോണ്‍ എക്‌സ് പോലുള്ള ഏറ്റവും പുതിയ ഫോണുകളില്‍ മാത്രമേ ഇത് പ്രവര്‍ത്തിക്കുകയുള്ളൂവെന്നാണ് പുറത്ത് വരുന്ന റിപ്പോര്‍ട്ടുകള്‍ .
ഫോണ്‍ ഉപയോഗിക്കുന്നതിന്, ഇന്റര്‍നെറ്റ് ഉപയോഗത്തിന് എന്നിങ്ങനെ വിവിധ സര്‍വീസുകള്‍ക്ക് തരം തിരിച്ചുള്ള വിവിധ സര്‍വീസുകള്‍ ഒരൊറ്റ സിം കാര്‍ഡില്‍ ലഭ്യമാകും. വിദേശ യാത്രകളില്‍ റോമിങ് സമയത്ത് സ്വദേശ, വിദേശ നെറ്റുകള്‍ തരം തിരിച്ചു ഉപയോഗിക്കാനുമാകും. കൂടാതെ, ക്യൂ ആര്‍ കോഡുകള്‍ പോലുള്ളവ നേരിട്ട് റീഡ് ചെയ്യുവാനും വിവിധ ഔദ്യോഗിക ആപ്ലിക്കേഷനുകളുടെ വിവിധ സംവിധാനങ്ങള്‍ അഡ്വാന്‍സ്ഡ് ആയി ഉപയോഗിക്കുവാനും പുതിയ സ്മാര്‍ട്ട് ഇ സിം കാര്‍ഡുകള്‍ കൊണ്ട് സാധ്യമാകുമെന്നാണറിയുന്നത്.