ന്യൂഡല്‍ഹി: റിയോ ഒളിംപിക്‌സ് ഗുസ്തിയില്‍ വെങ്കലം നേടിയ ഇന്ത്യന്‍ ഗുസ്തി താരം സാക്ഷി മാലികിന് റാങ്കിങില്‍ മുന്നേറ്റം. വനിതകളുടെ 58 കിലോ ഫ്രീസ്റ്റൈല്‍ വിഭാഗത്തില്‍ സാക്ഷി അഞ്ചാം റാങ്കിലെത്തി. പുരുഷ വിഭാഗത്തില്‍ സന്ദീപ് തോമറും നേട്ടമുണ്ടാക്കി. 57 കിലോ വിഭാഗത്തില്‍ പത്താം റാങ്കിലുണ്ടായിരുന്ന സന്ദീപ് മൂന്നു സ്ഥാനം മെച്ചപ്പെടുത്തി ഏഴിലെത്തി.
ഏഴ് റഷ്യന്‍ താരങ്ങള്‍ക്ക് മത്സരിക്കാം
മോസ്‌ക്കോ: ലോക ചാംപ്യന്മാരായ ഹര്‍ഡില്‍സ് താരം സെര്‍ജി ഷുബെന്‍കോവ്, ഹൈ ജംപ് താരം മരിയ കുചിന എന്നിവരടക്കം ഏഴ് റഷ്യന്‍ താരങ്ങള്‍ക്കു അന്താരാഷ്ട്ര മത്സരങ്ങളില്‍ പങ്കെടുക്കാന്‍ അനുമതി. അന്താരാഷ്ട്ര അത്‌ലറ്റിക്ക് ഫെഡറേഷന്റെ ഉത്തേജക പരിശോധനാ നടപടികള്‍ പൂര്‍ത്തിയാക്കിയതോടെയാണു താരങ്ങള്‍ക്ക് മത്സരിക്കാന്‍ അനുമതി ലഭിച്ചത്. ഹൈ ജംപിലെ മുന്‍ യൂറോപ്യന്‍ ഇന്‍ഡോര്‍ ചാംപ്യന്‍ ഡാനില്‍ സൈപ്ലകോവും മത്സരിക്കാന്‍ അനുമതി ലഭിച്ചവരിലുണ്ട്.