മനാമ: ബഹ്​റൈനിൽ വെള്ളിയാഴ്​ച സ്ഥിരീകരിച്ച 384 കോവിഡ് രോഗികളിൽ 288 പേരും പ്രവാസികളെന്ന് റിപ്പോർട്ട്. ബഹ്റൈൻ ആരോഗ്യ മന്ത്രാലയം വെള്ളിയാഴ്ച രാത്രി പുറത്തുവിട്ട റിപ്പോർട്ടനുസരിച്ചാണിത്.

ഇതോടെ നിലവിൽ രാജ്യത്ത് ചികിത്സയിൽ കഴിയുന്നവരുടെ എണ്ണം 3932 ആയി.​ ഇവരിൽ ഗുരുതരാവസ്ഥയിലുള്ളത് 3 പേർ മാത്രമാണ്. അതിനിടെ രാജ്യത്ത് 287 പേർക്ക് വെളിയാഴ്ച രോഗ വിമുക്തി ലഭിച്ചു. ഇതോടെ രാജ്യത്ത് രോഗമുക്തി നേടിയവരുടെ എണ്ണം 2640 ആയി ഉയർന്നു. വെള്ളിയാഴ്ച വരെ രാജ്യത്ത് 222542 പേരിലാണ് കോവിഡ് ടെസ്റ്റ് നടന്നതെന്നും ബഹ്റൈൻ ആരോഗ്യമന്ത്രാലയം അറിയിച്ചു.