കളമശേരി: സാമൂഹിക നവോത്ഥാനമാണ് സമസ്തയുടെ ലക്ഷ്യമെന്ന് സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന സെക്രട്ടറി ഡോ. ബഹാഉദ്ദീന്‍ മുഹമ്മദ് നദ്‌വി.
ഒന്‍പതര പതിറ്റാണ്ടു കാലമായി ചലനാത്മകമായി പ്രവര്‍ത്തിച്ചുകൊണ്ടിരിക്കുന്ന സമസ്ത കേരള ജംഇയ്യത്തുല്‍ ഉലമയുടെ ഏറ്റവും വലിയ പോഷക ഘടകമായ സമസ്ത കേരള ജംഇയ്യത്തുല്‍ മുഅല്ലിമീന്‍ 2019 ഫെബ്രുവരിയില്‍ എറണാകുളത്ത് നടത്തുന്ന അറുപതാം വാര്‍ഷികത്തിന് മുന്നോടിയായുള്ള എറണാകുളം ജില്ലാ സ്വാഗതസംഘരൂപീകരണത്തില്‍ സംസാരിക്കുകയായിരുന്നു അദ്ദേഹം.
ഇന്നലെ ഉച്ചക്ക് കളമശ്ശേരി മര്‍കസില്‍ ചേര്‍ന്ന യോഗത്തില്‍ എസ്.കെ.ജെ.എം.സി.സി മാനേജര്‍ എം.എ ചേളാരി, സമസ്ത മുശാവറ അംഗം ഹസന്‍ ഫൈസി, സമസ്ത ജില്ലാ പ്രസിഡന്റ് ഉസ്മാന്‍ ഫൈസി, ജന.സെക്രട്ടറി ഓണംപിള്ളി മുഹമ്മദ് ഫൈസി, എന്‍.എ.എം. അബ്ദുല്‍ ഖാദിര്‍, കൊടക് അബ്ദുറഹ്മാന്‍ മുസ്‌ലിയാര്‍, അബ്ദുല്‍ ഖാദര്‍ അല്‍ ഖാസിമി, ഹുസൈന്‍കുട്ടി മുസ്‌ലിയാര്‍, എന്‍.കെ. മുഹമ്മദ് ഫൈസി, ശറഫുദ്ദീന്‍ തങ്ങള്‍, അബ്ദുല്‍ ജബ്ബാര്‍ ബാഖവി, അനസ് ബാഖവി, സി.എം അബ്ദുല്‍ റഹ്മാന്‍ കുട്ടി, എ.എം. പരീത് , അബ്ദുല്‍ ഖാദര്‍ ഹുദവി, സിദ്ദീഖ് കുഴുവേലിപ്പടി, ടി.എ. ബഷീര്‍, ഡോ. അബ്ബാസ് ഹാജി, അബൂബക്കര്‍ ഫൈസി, മൂസ ഹാജി, എന്‍.ബി. മുഹമ്മദ് ഹാജി, സിയാദ് ചെമ്പറക്കി, സലാം ഹാജി, സിദ്ദീഖ്, ഹുസൈന്‍ ഹാജി, സമീല്‍, കബീര്‍ മുട്ടം, ഹസൈനാര്‍ മൗലവി കുന്നത്തേരി, കമാലുദ്ദീന്‍ കളമശ്ശേരി, ഫൈസല്‍ കങ്ങരപ്പടി, മന്‍സൂര്‍ കളപ്പുരക്കല്‍, യൂസഫ് മാസ്റ്റര്‍, ഹസീം കളമശ്ശേരി, മുട്ടം അബ്ദുല്ല എന്നിവര്‍ സംസാരിച്ചു. എം.യു. ഇസ്മാഈല്‍ ഫൈസി സ്വാഗതവും അബ്ദുല്‍ സമദ് ദാരിമി നന്ദിയും പറഞ്ഞു.
ഇ.എസ്. ഹസന്‍ ഫൈസി (ചെയര്‍മാന്‍), ഓണംപിള്ളി മുഹമ്മദ് ഫൈസി (കണ്‍വീനര്‍), അബ്ദുല്‍ സലാം ഹാജി പെരിങ്ങാല (ബക്കര്‍ ഹാജി - ട്രഷറര്‍), എന്നിവര്‍ അടങ്ങുന്ന 501 അംഗ സ്വാഗതസംഘ രൂപീകരണവും നടന്നു.
കെ.ടി. മാനു മുസ്‌ലിയാര്‍ നഗറില്‍ 'വിശ്വശാന്തിക്ക് മതവിദ്യ' എന്ന പ്രമേയത്തിലാണ് ഫെബ്രുവരിയില്‍ വാര്‍ഷികം നടക്കുന്നത്.