ന്യൂഡല്‍ഹി: ഡല്‍ഹിയില്‍ കുടുങ്ങിക്കിടക്കുന്ന വിദ്യാര്‍ഥികളുള്‍പ്പടെയുള്ളവരുമായി കേരളത്തിലേക്ക് പ്രത്യേക ട്രെയിന്‍ മെയ് 20ന് പുറപ്പെടും. 

ഇതില്‍ പുറപ്പെടുന്നതിനായി നോര്‍ക്കയില്‍ രജിസ്റ്റര്‍ ചെയ്തിട്ടുള്ള ഡല്‍ഹിയിലുള്ള വ്യക്തികള്‍ പേരു വിവരങ്ങള്‍ ഇന്നുകാലത്ത് 10 മണിക്കു മുമ്പ് അറിയിക്കാന്‍ കേരള ഹൗസ് റസിഡന്റ് കമ്മിഷണര്‍ അറിയിച്ചു. ഈ സാഹചര്യത്തില്‍ ഇന്നു നാട്ടിലേക്ക് നടക്കാനുള്ള തീരുമാനം പിന്‍വലിക്കുന്നതായി ഡല്‍ഹിയിലെ വിവിധ സര്‍വകലാശാലാ വിദ്യാര്‍ഥികള്‍ അറിയിച്ചു. ഇന്നു വൈകിട്ട് മൂന്നിന് ഡല്‍ഹി കേരളാഹൗസിനു മുന്നില്‍ ഒത്തു കൂടാനും നാലുമണിയോടെ നാട്ടിലേക്കു നടന്നു തുടങ്ങാനുമായിരുന്നു വിദ്യാര്‍ഥികള്‍ തീരുമാനിച്ചിരുന്നത്. എന്നാല്‍ ഇന്നലെ രാത്രിയോടെ കേരളാ ഹൗസ് അധികൃതര്‍ 20ന് ട്രെയിന്‍ പുറപ്പെടുമെന്ന് അറിയിക്കുകയായിരുന്നു.