തിരുവനന്തപുരം: സ്ഥലം മാറ്റിയിട്ടും ചുമതലയേല്‍ക്കാത്ത പൊലിസ് ഉദ്യോഗസ്ഥരോട് അടിയന്തരമായി പൊലിസ് ആസ്ഥാനത്തെത്താന്‍ ഡി.ജി.പിയുടെ നിര്‍ദേശം. സ്ഥലം മാറ്റിയിട്ടും നിരവധി സി.ഐമാരും ഡിവൈ.എസ്.പിമാരും പുതിയ സ്ഥലത്ത് ചുമതലയേറ്റെടുത്തിട്ടില്ല.
തെരഞ്ഞെടുപ്പ് ചട്ടത്തിന്റെ ഭാഗമായി സ്വന്തം ജില്ല വിട്ടാണ് ഇവരെയെല്ലാം സ്ഥലം മാറ്റിയത്. ഇനി തെരഞ്ഞെടുപ്പ് കമ്മിഷന്റെ അനുമതിയോടെ മാത്രമേ ഇവര്‍ക്ക് സ്ഥാനമേല്‍ക്കാന്‍ കഴിയൂ.
ലോക്‌സഭാ തെരഞ്ഞെടുപ്പിനു മുന്നോടിയായി പൊലിസില്‍ ഡിവൈ.എസ്.പിമാര്‍ ഉള്‍പ്പെടെയുള്ളവരെ സ്ഥലം മാറ്റിയിരുന്നു.