കോഴിക്കോട്: ചരിത്ര പ്രസിദ്ധമായ കോഴിക്കോട് ഇടിയങ്ങര ശൈഖ് പള്ളിയിലെ 460-ാം അപ്പവാണിഭ നേര്‍ച്ചക്ക് നാളെ വൈകുന്നേരം അഞ്ചിന് നടക്കുന്ന അജ്മീര്‍ ഖാജാ അനുസ്മരണത്തോടെ തുടക്കമാകും.

സയ്യിദ് നാസിര്‍ അബ്ദുല്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് ഹംസ ബാഫഖി തങ്ങള്‍ അധ്യക്ഷനാകും. രാത്രി ഏഴിന് നടക്കുന്ന മൗലിദ് പാരായണത്തിനും ദുആ മജ്‌ലിസിനും ഒളവണ്ണ അബൂബക്കര്‍ ദാരിമി നേതൃത്വം വഹിക്കും. 8.30ന് നടക്കുന്ന മതപ്രഭാഷണ സദസ് എ.വി അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്യും. ഇ.കെ അബൂബക്കര്‍ മുസ്‌ലിയാര്‍ അധ്യക്ഷനാകും.

സിറാജുദ്ദീന്‍ ഖാസിമി പത്തനാപുരം മുഖ്യ പ്രഭാഷണം നടത്തും. വ്യാഴാഴ്ച മഗ്‌രിബ് നിസ്‌കാരാനന്തരം നടക്കുന്ന സ്വലാത്ത് വാര്‍ഷിക മജ്‌ലിസിന് വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കും.