കണ്ണൂര്‍: കണ്ണൂര്‍ സര്‍വകലാശാലാ 2016-17 വര്‍ഷത്തെ സ്‌പോര്‍ട്‌സ് മെറിറ്റ് അവാര്‍ഡുകള്‍ വൈസ് ചാന്‍സിലര്‍ ഡോ. എം.കെ അബ്ദുല്‍ഖാദര്‍ വിതരണം ചെയ്തു. സൗത്ത്‌സോണ്‍ അന്തര്‍ സര്‍വകലാശാലാ ചാംപ്യന്‍ഷിപ്പില്‍ മൂന്നാംസ്ഥാനം നേടിയ വനിതാ വോളിബോള്‍ ടീം അവാര്‍ഡുകളും സര്‍ട്ടിഫിക്കറ്റുകളും ഏറ്റുവാങ്ങി. ടീം അംഗങ്ങളായ ബ്രണ്ണന്‍ കോളജിലെ അഞ്ജലി ബാബു, അലീന്‍ ഷാജി, ഏയ്ഞ്ചല്‍ ജോസഫ്, എസ്. സൂര്യ, എം.പി അനുശ്രീ, അനുശ്രീ ബാബു, ഡോണ ജയിംസ്, അയന ശിവന്‍, കണ്ണൂര്‍ കൃഷ്ണമേനോന്‍ വനിതാ കോളജിലെ കെ.പി ആതിര, മീര പി. ഷാജു, മേരി അമിഷ, അഞ്ജലി സണ്ണി എന്നിവരെയും സായ് കോച്ച് ടി. ബാലചന്ദ്രനെയും ടീം മാനേജര്‍ കെ. യാസിറിനെയും അനുമോദിച്ചു. എസ്.എന്‍ കോളേജ് പുരുഷ ഫുട് ബോള്‍ ടീമിനു പി.പി ലക്ഷ്മണന്‍ എന്‍ഡോവ്‌മെന്റ് സമ്മാനിച്ചു.
ജോസ്‌ന ക്രിസ്റ്റി ജോസ് മികച്ച കളിക്കാരിക്കുള്ള കാഷ് അവാര്‍ഡിന് അര്‍ഹയായി. ഫെന്‍സിങ്ങില്‍ മൂന്നാംസ്ഥാനം നേടിയ ബ്രണ്ണന്‍ കോളജിലെ ജോസ്‌ന ക്രിസ്റ്റി ജോസ്, സര്‍വകലാശാലാ ഫിസിക്കല്‍ എഡുക്കേഷന്‍ ഡിപ്പാര്‍ട്ട്‌മെന്റിലെ സിന്റ വര്‍ഗീസ്, ബിനു സൂസന്‍ പോള്‍ എന്നിവരടങ്ങിയ ടീം മെഡലുകള്‍ ഏറ്റുവാങ്ങി. ഇതേ ഇനത്തില്‍ ജോസ്‌ന ക്രിസ്റ്റി ജോസ് വ്യക്തിഗത ചാംപ്യനായി. റോടക് എം.ഡി സര്‍വകലാശാലയില്‍ നടന്ന തൈക്കൊണ്ടോ ചാംപ്യന്‍ഷിപ്പില്‍ മൂന്നാംസ്ഥാനം നേടിയ ശ്രീകണ്ഠപുരം എസ്.ഇ.എസ് കോളജിലെ കെ. റുമൈസ മെഡലുകള്‍ ഏറ്റുവാങ്ങി. വനിതാ ബാസ്‌ക്കറ്റ് ബോള്‍, ഹാന്‍ഡ് ബോള്‍ എന്നിവയില്‍ യഥാക്രമം നാലും മൂന്നും സ്ഥാനം നേടിയവരെയും അനുമോദിച്ചു.
പ്രൊ വൈസ് ചാന്‍സലര്‍ ഡോ. ടി. അശോകന്‍ അധ്യക്ഷനായി. സിന്‍ഡിക്കേറ്റ് അംഗങ്ങളായ ഡോ. കെ. അജയകുമാര്‍, ഡോ. വി.എ വില്‍സണ്‍, എം.സി രാജു, ഡോ. ബാലചന്ദ്രന്‍ കീഴോത്ത്, ഡോ. പി.ടി ജോസഫ്, ഡോ. ശിവദാസന്‍ സംസാരിച്ചു.