ജെറുസലേം: ഇസ്രയേലിലെ ചൈനീസ് സ്ഥാനപതിയെ വീട്ടിനുള്ളില്‍ മരിച്ചനിലയില്‍ കണ്ടെത്തി. ഹെര്‍സ്ലിയയിലെ വീട്ടിനുള്ളിലാണ് 58 കാരനായ ഡു വെയ്ഇനെ മരിച്ച നിലയില്‍ കണ്ടെത്തിയത്. ഇസ്രയേല്‍ വാര്‍ത്ത സ്ഥിരീകരിച്ചിട്ടുണ്ടെങ്കിലും ഇദ്ദേഹം എങ്ങനെയാണ് കൊല്ലപ്പെട്ടതെന്ന വിവരങ്ങള്‍ ലഭ്യമല്ല.

നേരത്തെ ചൈനയുടെ യുക്രൈനിലെ സ്ഥാനപതിയായിരുന്ന ഡൂവിനെ കഴിഞ്ഞ ഫെബ്രുവരിയിലാണ് ഇസ്രായേല്‍ സ്ഥാനപതിയായി നിയമിച്ചത്.

കൊറോണ വൈറസ് വ്യാപനത്തിന് ചൈനയെ കുറ്റപ്പെടുത്തിയുള്ള യു.എസ് സെക്രട്ടറി മൈക്ക് പോംപിയോയുടെ പ്രസ്താവനയ്‌ക്കെതിരെ രൂക്ഷമായ ഭാഷയിലാണ് ചൈനീസ് എംബസി പ്രതികരിച്ചത്. ഇസ്രയേല്‍ സന്ദര്‍ശനത്തിനിടെയായിരുന്നു മൈക്ക് ചൈനയ്‌ക്കെതിരെ രംഗത്തെത്തിയത്.