ശ്രീകണ്ഠപുരം: നമ്മുടെ മദ്‌റസകള്‍ ഗുണനിലവാരം കൊണ്ടും പ്രവര്‍ത്തന മികവുകൊണ്ടും അന്താരാഷ്ട്ര നിലവാരത്തിലേക്ക് ഉയര്‍ന്നു വരികയാണെന്ന് പി.പി ഉമര്‍ മുസ്‌ലിയാര്‍. ചെങ്ങളായി മദ്‌റസത്തുല്‍ ഇര്‍ഷാദില്‍ 'നേരറിവ് നല്ല നാളേക്ക്, മിഹ്‌റ ജാനുല്‍ ബിദായയുടെ പഠന തുടക്കവും' ഉദ്ഘാടനം നിര്‍വഹിക്കുകയായിരുന്നു അദ്ദേഹം. മദ്‌റസയില്‍ നിന്ന് ടോപ് പ്ലസ് നേടിയ പി. ശന്‍സ, അഫ്‌റ ഫാത്തിമ, വി.എന്‍ ലബീബസി, എന്‍.പി റാഹില എന്നിവരെ അനുമോദിച്ചു. എം. പി.എ റഹീം അധ്യക്ഷനായി. ഹാഫിസ് സജ്ജാദ് നദ്‌വി നടുവണ്ണ മുഖ്യപ്രഭാഷണം നടത്തി. പി.പി അബ്ദുല്ല, സയ്യിദ് ഹുസൈന്‍ തങ്ങള്‍, സി. അബ്ദുറഹ്മാന്‍ ഫൈസി, കെ.പി മൊയ്തീന്‍ കുഞ്ഞി ഹാജി, കെ.പി അബ്ദുല്ല, അലി മൗലവി, അബ്ദുല്‍ കരിം, ബഷീര്‍ മൗലവി, കെ.പി മുത്തലിബ്, എന്‍.പി.എ സിദ്ധീഖ് ഹനീഫി സംസാരിച്ചു.