വെള്ളിയാമറ്റം: പ്രായപൂര്‍ത്തിയാകാത്ത ബാലികയെ പീഡിപ്പിച്ച സംഭവത്തില്‍ യുവാവ് അറസ്റ്റില്‍. ഉടുമ്പന്നൂര്‍ ഉപ്പുകുന്നിനു സമീപം മൂലേക്കാട് കുറുവാക്കയം വീട്ടില്‍ സതീഷ് കുമാര്‍ (38) ആണ് പിടിയിലായത്. ബാലികയുടെ മാതാവിനോടൊപ്പമായിരുന്നു അവിവാഹിതനായ ഇയാള്‍ താമസിച്ചിരുന്നത്. പെണ്‍കുട്ടിയുടെ മാതാവ് വീട്ടിലില്ലാത്ത സമയത്ത് ബാലികയെ പീഡിപ്പിക്കുകയായിരുന്നു. മാതാവിന്റെയും പെണ്‍കുട്ടിയുടെയും പരാതിയില്‍ കാഞ്ഞാര്‍ പൊലിസ് കേസ് ചാര്‍ജ് ചെയ്തു. കാഞ്ഞാര്‍ സി.ഐ മാത്യു ജോര്‍ജും സംഘവും ചേര്‍ന്നു ഉപ്പുകുന്നിലെത്തി പ്രതിയെ അറസ്റ്റു ചെയ്ത് കോടതിയില്‍ ഹാജരാക്കി.