തിരുവനന്തപുരം: കഴക്കൂട്ടത്ത് മെഡിക്കല്‍ സ്‌റ്റോറില്‍ പൊലിസ് അക്രമം. മെഡിക്കല്‍ സ്‌റ്റോര്‍ ഉടമെ മര്‍ദ്ദിക്കുന്ന എസ്‌ഐയുടെ ദൃശ്യങ്ങള്‍ പുറത്ത്. ഇന്നലെയാണ് ജനസേവ മെഡിക്കല്‍ ഷോപ്പ് ഉടമയെ എസ്.ഐ സന്തോഷ് കുമാര്‍ കടയില്‍ കയറി മര്‍ദ്ദിച്ചത്.

എന്നാല്‍, മാസ്‌ക് ധരിക്കാത്തതിന് കടയുടമയെ താക്കീത് ചെയ്തതാണെന്നാണ് എസ്.ഐയുടെ വിശദീകരണം. മര്‍ദ്ദനത്തിന്റെ ദൃശ്യങ്ങള്‍ സഹിതം കടയുടമ പരാതി നല്‍കിയതതോടെ എസ്.ഐയെ സ്ഥലം മാറ്റി.കണ്‍ട്രോള്‍ റൂമിലേക്കാണ് ഇയാളെ സ്ഥലം മാറ്റിയിരിക്കുന്നത്. കട അടയ്ക്കണം എന്ന് ആവശ്യപ്പെട്ട് എസ്‌ഐ തന്നെ കടയില്‍ കയറി അകാരണമായി മര്‍ദ്ദിച്ചെന്ന മെഡിക്കല്‍ ഷോപ്പ് ഉടമയുടെ പരാതിയില്‍ പറയുന്നു.