കോട്ടയം: തെരഞ്ഞെടുപ്പ് പ്രചാരണത്തില്‍ ഇടതുസ്ഥാനാര്‍ഥികള്‍ ബഹുദൂരം പിന്നിടുമ്പോഴും എതിര്‍കക്ഷികള്‍ സ്ഥാനാര്‍ഥികളെ നിര്‍മിക്കുന്ന തിരക്കിലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍.

എല്‍.ഡി.എഫ് കോട്ടയം പാര്‍ലമെന്റ് നിയോജക മണ്ഡലം തെരഞ്ഞെടുപ്പ് കണ്‍വന്‍ഷന്‍ തിരുനക്കര മൈതാനത്ത് ഉദ്ഘാടനം ചെയ്യുകയായിരുന്നു അദ്ദേഹം.

കേരളത്തില്‍ 20 സീറ്റുകളിലും മണിക്കൂറുകള്‍കൊണ്ട് എല്‍.ഡി.എഫ് സ്ഥാനാര്‍ഥികളെ നിശ്ചയിച്ചു. പലയിടത്തും എതിര്‍ സ്ഥാനാര്‍ഥികളെ ഇനിയും തീരുമാനിച്ചിട്ടില്ല. ചില കാര്യങ്ങള്‍ തെരഞ്ഞെടുപ്പ് വിഷയമാക്കരുതെന്നാണ് തെരഞ്ഞെടുപ്പ് കമ്മിഷന്റെ നിര്‍ദേശം. ഇതോടെ ബി.ജെ.പിക്ക് പ്രചാരണത്തിന് വിഷയമില്ലാതായെന്നും അദ്ദേഹം പറഞ്ഞു.