കൊണ്ടോട്ടി: കരിപ്പൂരില്‍ യാത്രക്കാരനില്‍നിന്നും വിമാനത്തിന്റെ സീറ്റിനടിയില്‍ നിന്നുമായ 1.149 കിലോഗ്രാം സ്വര്‍ണം എയര്‍കസ്റ്റംസ് ഇന്റലിജന്‍സ് പിടികൂടി.

ഇന്‍ഡിഗോ വിമാനത്തില്‍ ദുബൈയില്‍ നിന്നെത്തിയ യാത്രക്കാരന്‍ ശരീരത്തില്‍ ഒളിപ്പിച്ചു കടത്തിയ 450 ഗ്രാം സ്വര്‍ണമാണ് കണ്ടെടുത്തത്. ഇന്നലെ രാവിലെ എയര്‍ഇന്ത്യ വിമാനത്തിന്റെ സീറ്റിനടിയില്‍നിന്നും ആറ് സ്വര്‍ണ ബിസ്‌കറ്റുകളാണ് കണ്ടെത്തിയത്. ഇവക്ക് 699 ഗ്രാം തൂക്കം വരും. പിടികൂടിയ സ്വര്‍ണത്തിന് 36 ലക്ഷം രൂപ വിലലഭിക്കും.