ഇസ്്‌ലാമാബാദ്: കശ്മീരില്‍ ഹിസ്ബുല്‍ ഭീകരന്‍ ബുര്‍ഹാന്‍ വാനി കൊല്ലപ്പെട്ട സംഭവം പാകിസ്താന്‍ അപലപിച്ചു. നിയമവിരുദ്ധ കൊലപാതകമാണ് നടന്നതെന്ന് പാക് വിദേശകാര്യ വക്താവ് നഫീസ് സക്കരിയ പറഞ്ഞു. കൊലപാതകം ദൗര്‍ഭാഗ്യകരവും കശ്മീര്‍ ജനതയുടെ അവകാശലംഘനവുമാണെന്നും അദ്ദേഹം ആരോപിച്ചു. ഇത്തരം പ്രവര്‍ത്തനങ്ങള്‍ ജമ്മുകശ്മിരിലെ ജനങ്ങളുടെ മൗലികാവകാശം ഹനിക്കുന്നതാണ്. ഇതിലൂടെ അവരുടെ സ്വയം നിര്‍ണയാവകാശം നിഷേധിക്കുകയാണെന്നും വിദേശകാര്യമന്ത്രാലയം അഭിപ്രായപ്പെട്ടു.