കാഞ്ഞങ്ങാട്: അര നൂറ്റാണ്ടിലേറെയായി പൊതുസമൂഹത്തില്‍ വ്യക്തിമുദ്ര പതിപ്പിച്ച മുതിര്‍ന്ന ബി.ജെ.പി നേതാവ് മടിക്കൈ കമ്മാരന് പൗരാവലിയുടെ ആദരം നല്‍കി.
പുതിയകോട്ട നഗരസഭ ടൗണ്‍ ഹാളില്‍ നടന്ന ചടങ്ങില്‍ ബി.ജെ.പി മുന്‍ സംസ്ഥാന പ്രസിഡന്റ് സി.കെ.പദ്മനാഭന്‍ ഉപഹാരം സമര്‍പ്പിച്ച് പൊന്നാട അണിയിച്ചു. സംഘാടകസമിതി ചെയര്‍മാന്‍ അഡ്വ.സി.കെ ശ്രീധരന്‍ അധ്യക്ഷനായി. വിവിധ രാഷ്ട്രീയ സാമൂഹ്യ നേതാക്കളായ എ.വി.രാമകൃഷ്ണന്‍, അഡ്വ.എം.സി.ജോസ്, മെട്രോ മുഹമ്മദ്ഹാജി, പി ഗോപാലകൃഷ്ണന്‍ മാസ്റ്റര്‍, പി.കോരന്‍മാസ്റ്റര്‍, വി.രവീന്ദ്രന്‍, എ.വേലായുധന്‍, ബി.സുകുമാരന്‍, കെ.വേണുഗോപാലന്‍ നമ്പ്യാര്‍, ടി.കെ.നാരായണന്‍, സി.യൂസഫ്ഹാജി, എച്ച്.ഗോകുല്‍ദാസ് കമ്മത്ത്, സുകുമാരന്‍ പെരിയച്ചൂര്‍, പി.ദാമോദരപണിക്കര്‍, വി.വി.സുധാകരന്‍, ടി.മുഹമ്മദ് അസ്‌ലം തുടങ്ങിയവര്‍ ചടങ്ങില്‍ സംബന്ധിച്ചു.