പെരിന്തല്‍മണ്ണ: ഒരേദിവസം മൂന്ന് എന്‍ജിനീയറിങ് എന്‍ട്രന്‍സ് പരീക്ഷകള്‍ വരുന്നത് വിദ്യാര്‍ഥികളെ ദുരിതത്തിലാക്കുന്നു. നേരത്തെ ഏപ്രില്‍ 22, 23 തിയതികളില്‍ നടക്കേണ്ടിയിരുന്ന കേരള എന്‍ജിനീയറിങ് എന്‍ട്രന്‍സ് ടെസ്റ്റ് തെരഞ്ഞെടുപ്പ് പ്രഖ്യാപിച്ചതിനെ തുടര്‍ന്ന് 27, 28 തിയതികളിലേക്ക് മാറ്റിവച്ചതാണ് വിദ്യാര്‍ഥികളെ ദുരിതത്തിലാക്കിയത്.
28 ന് ഐ.ഐ.ഐ.ടി ഹൈദരാബാദിന്റെ എന്‍ജിനീയറിങ് എന്‍ട്രന്‍സ് ഉണ്ട്. കേരളത്തില്‍ നിന്ന് നിരവധി വിദ്യാര്‍ഥികളാണ് ഈ പരീക്ഷ എഴുതുന്നത്. ഇതിന് പുറമെ 28ന് അലിഗഢ് സര്‍വകലാശാലയുടെ എന്‍ജിനീയറിങ് ടെസ്റ്റുമുണ്ട്. മൂന്ന് പരീക്ഷയും ഒരേദിവസമായത് കേരളത്തിലെ നിരവധി വിദ്യാര്‍ഥികളെയാണ് ദോഷകരമായി ബാധിക്കുക.