കിളിമാനൂര്‍: രാജാ രവിവര്‍മ്മ സ്‌കൂളിലെ മാതംഗി വര്‍മ്മ സ്മാരക ബ്ലോക്കിനു സമീപം കാടുകയറിയ നിലയില്‍.
നൂറുകണക്കിന് വിദ്യാര്‍ഥിനികള്‍ പഠിക്കുന്ന ഇവിടെ മഴക്കാല പൂര്‍വ ശുചീകരണം നടത്താന്‍ സ്‌കൂള്‍ അധികൃതരോ സന്നദ്ധ സംഘടനകളോ പി. ടി. എയോ തയാറായിട്ടില്ല. ഹയര്‍ സെക്കന്‍ഡറി വിഭാഗം വിദ്യാര്‍ഥികള്‍ പഠിക്കുന്ന ബ്ലോക്ക് കെട്ടിടമാണ് മാതംഗി വര്‍മ്മ സ്മാരക ബ്ലോക്ക്. പുതിയ അഡ്മിഷനുമായി ബന്ധപ്പെട്ട് വലിയ തോതില്‍ പി.ടി.എ ഫണ്ട് പിരിച്ചതായി ആരോപണം നിലനില്‍ക്കുന്നുണ്ട്.
കാട് വെട്ടിത്തെളിച്ചില്ലെങ്കില്‍ കൊതുകുശല്യം വര്‍ധിക്കുകയും പകര്‍ച്ചപ്പനിയും മാറ്റും പടരാന്‍ സാധ്യതയുണ്ടെന്നും നാട്ടുകാര്‍ പറയുന്നു.