ന്യൂഡല്‍ഹി: പശ്ചിമബംഗളില്‍ ഇടതുമുന്നണി ആദ്യഘട്ട സ്ഥാനാര്‍ഥിപ്പട്ടിക പ്രഖ്യാപിച്ചു. 25 മണ്ഡലങ്ങളിലേക്കുള്ള സ്ഥാനാര്‍ഥിപ്പട്ടികയാണ് പ്രഖ്യാപിച്ചത്.
കോണ്‍ഗ്രസുമായി തര്‍ക്കമുണ്ടായിരുന്ന സി.പി.എമ്മിന്റെ സിറ്റിങ് സീറ്റുകളായ റായ്ഗഞ്ച്, മുര്‍ഷിദാബാദ് സീറ്റുകളും പ്രഖ്യാപിച്ചതിലുണ്ട്. റായ്ഗഞ്ചില്‍ മുഹമ്മസ് സലിമും മുര്‍ഷിദാബാദില്‍ ബദറുദ്ദോസഖാനും മത്സരിക്കും. ആകെ 42 സീറ്റുകളാണ് ബംഗാളിലുള്ളത്. ബാക്കിയുള്ള 17 സീറ്റുകളില്‍ ചിലത് കോണ്‍ഗ്രസിനു വേണ്ടി ഒഴിച്ചിടുമെന്നും ഇടതുമുന്നണി ചെയര്‍മാന്‍ ബിമന്‍ബോസ് പറഞ്ഞു. ഏഴു ഘട്ടങ്ങളായാണ് ബംഗാളില്‍ തെരഞ്ഞെടുപ്പ് നടക്കുന്നത്.