പെരും ചൂടാണിപ്പോള്‍ തെലങ്കാനയുടെ ഭാഗങ്ങളില്‍. 40-42 വരെയുള്ള അന്തരീക്ഷ താപത്തില്‍ മനുഷ്യരും ഇതര ജന്തുജീവികളും വെന്തുരുകയാണ്. ഏറെ തണുപ്പ് ആവശ്യമുള്ളൊരു പാമ്പാണല്ലോ രാജവെമ്പാല. തണുപ്പ് തേടി രാജവെമ്പാലയെത്തിയത് അടുക്കളയിലെ ഫ്രിഡ്ജിലാണ്.

സിര്‍കില്ല നഗരത്തിലെ സഞ്ജീവയ്യ നഗരത്തിലാണ് സംഭവം. മകള്‍ വെള്ളമെടുക്കാനായി ഫ്രിഡ്ജ് തുറന്നപ്പോള്‍ ചുരുണ്ടു കൂടിയ നിലയില്‍ രാജവെമ്പാലയെ കാണുകയായിരുന്നു. പേടിച്ചു വിറച്ച മകള്‍ ഒച്ചയെടുത്തപ്പോഴാണ് അമ്മ ഇക്കാര്യം ശ്രദ്ധിക്കുന്നത്. ഉടനെ ഡോര്‍ അടച്ച് പാമ്പു പിടുത്തക്കാരെ വിളിച്ച് പാമ്പിനെ പുറത്തെടുക്കുകയായിരുന്നു. നാലടി നീളമുണ്ടായിരുന്ന പാമ്പിന്. ഇത് എങ്ങനെയാണ് ഫ്രിഡ്ജിനുള്ളില്‍ എത്തിയതെന്ന് ഒരു പിടിയും കിട്ടിയിട്ടില്ല.

സമാനമായൊരു സംഭവം കഴിഞ്ഞയാഴ്ച ദക്ഷിണാഫ്രിക്കയിലെ കേപ്ടൗണിലും നടന്നിരുന്നു. സൂപ്പര്‍മാര്‍ക്കറ്റിലെ സ്റ്റാള്‍ ഫ്രിഡ്ജിലാണ് പാമ്പിനെ കണ്ടെത്തിയത്. സാധനം എടുക്കാനായി എത്തിയ സ്ത്രീയാണ് 12 അടി നീളമുള്ള പാമ്പിനെ കണ്ടത്.