തിരുവനന്തപുരം: മത ഭൗതിക സമന്വയ വിദ്യാഭ്യാസ  രംഗത്തു ശ്രദ്ധേയമായിക്കൊണ്ടിരിക്കുന്ന വാഫി, വഫിയ്യ കോയ്‌സുകളുടെ 2017  2018 അധ്യയന വര്‍ഷത്തെ ജില്ലാ തല പ്രചാരണോദ്ഘാടനം കണിയാപുരം, നിബ്രാസുല്‍ ഇസ്ലാം കോളജ് ഓഡിറ്റോറിയത്തില്‍  നടന്നു.  
രണ്ടു സെഷനുകളിലായി നടന്ന പരിപാടിക്ക് ജില്ലാ കോര്‍ഡിനേറ്റര്‍ അംജദ്ഖാന്‍ സ്വാഗതം പറഞ്ഞു.  വിദ്യാര്‍ഥികള്‍ക്കുള്ള മാര്‍ഗ നിര്‍ദ്ദേശങ്ങള്‍ക്ക് പ്രാധാന്യം നല്‍കിയ ആദ്യ സെഷനില്‍  ഷാനവാസ് മാസ്റ്റര്‍ കണിയാപുരം ഉദഘാടനം നിര്‍വ്വഹിച്ചു. കോളജ് പ്രധാനാധ്യാപകന്‍ അന്‍സാര്‍ ബാഖവി,  മുഹമ്മദ്   ബാഖവി എന്നിവര്‍ സംസാരിച്ചു.
വിദ്യാര്‍ഥികളുടെ അഭിപ്രായങ്ങള്‍ക്കു മുന്‍തൂക്കം നല്‍കിയ ഇന്ററക്ടല്‍ സെഷന്‍  തിരുവനന്തപുരം കോര്‍ഡിനേറ്റര്‍ ഹാഫിസ് അയ്മന്‍ സഈദ്, നെടുമങ്ങാട് കോര്‍ഡിനേറ്റര്‍ ജാസിം മുഹമ്മദ് എന്നിവര്‍ നിയന്ത്രിച്ചു.  വൈകുന്നേരം വരെ നീണ്ടു നിന്ന പരിപാടിക്ക് തിരുവനന്തപുരം ഏരിയ കോര്‍ഡിനേറ്റര്‍ തന്‍സീല്‍ നന്ദി പറഞ്ഞു.