കൊല്ലം: ഓള്‍കേരളാ ഇ.പി.എഫ് പെന്‍ഷനേഴ്‌സ് അസോസിയേഷന്റെ ആഭിമുഖ്യത്തില്‍ 16ന് രാവിലെ 10ന് കൊല്ലം പബ്ലിക്ക് ലൈബറി സരസ്വതിഹാളില്‍ എന്‍.കെ പ്രേമചന്ദ്രന്‍ എം.പിക്കു സ്വീകരണം നല്‍കുമെന്ന് സെക്രട്ടറി എസ് ഷാനവാസ്, വൈസ് പ്രസിഡന്റ് പി.ജി സലിംകുമാര്‍, പബ്ലിസിറ്റി കണ്‍വീനര്‍ ഡി വേണുഗോപാല്‍, എക്‌സിക്യുട്ടീവംഗം പ്രസന്നകുമാര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു. എന്‍.കെ പ്രേമചന്ദ്രന്‍ പാര്‍ലമെന്റില്‍ അവതരിപ്പിച്ച സ്വകാര്യ പ്രമേയത്തിന്റെ അടിസ്ഥാനത്തില്‍ മെഡിക്കല്‍ ട്രീറ്റ്‌മെന്റ് എല്ലാ ഇ.പി.എഫ് അംഗങ്ങള്‍ക്കും ബാധകമാക്കിയിരുന്നു. യോഗത്തില്‍ സുപ്രീംകോടതി വിധി പ്രകാരം 19,720 രൂപ പുതിയതായി പെന്‍ഷന്‍ ലഭിച്ച മില്‍മ തിരുവനന്തപുരം റീജിയണല്‍ മാനേജര്‍ പ്രസന്നകുമാര്‍ തന്റെ നിയമപോരാട്ടത്തെക്കുറിച്ച് അംഗങ്ങളോട് വിവരിക്കും.