നെടുമ്പാശേരി: വിദേശ മലയാളികളുമായി അമേരിക്കയില്‍ നിന്നും ആസ്‌ത്രേലിയയില്‍നിന്നുമുള്ള എയര്‍ ഇന്ത്യ വിമാനങ്ങള്‍ നെടുമ്പാശേരിയിലെത്തി.
104 യാത്രക്കാരുമായി അമേരിക്കയിലെ സാന്‍ഫ്രാന്‍സിസ്‌കോയില്‍ നിന്നുള്ള വിമാനം ഇന്നലെ രാവിലെ 8.30 നും 270 പേരുമായി ആസ്‌ത്രേലിയയിലെ മെല്‍ബണില്‍നിന്നുള്ള വിമാനം രാത്രി പത്ത് മണിക്കുമാണ് എത്തിയത്.
ഇരുവിമാനങ്ങളും ഡല്‍ഹി വഴിയാണ് നെടുമ്പാശേരിയിലെത്തിയത്. അമേരിക്കയില്‍നിന്നു മടങ്ങിയെത്തിയവരില്‍ കുടുങ്ങിക്കിടന്ന വൈദികരും വിദ്യാര്‍ഥികളും ഉള്‍പ്പെടുന്നു. പത്തുവയസില്‍ താഴെ പ്രായമായ അഞ്ച് കുട്ടികളും സംഘത്തില്‍ ഉണ്ടായിരുന്നു. യാത്രക്കാരില്‍ 80 പേരെ വിവിധ ജില്ലകളിലെ കൊവിഡ് കെയര്‍ സെന്ററുകളിലും ബാക്കിയുള്ളവരെ വീടുകളിലും നിരീക്ഷണത്തിലാക്കി.