കൊണ്ടോട്ടി: കൊവിഡ് 19 മൂലം നാട്ടിലേക്ക് മടങ്ങാന്‍ കാത്തിരിക്കുന്നവര്‍ക്ക് ആശ്വാസമായി ജിദ്ദയില്‍ നിന്ന് രണ്ട് വലിയ വിമാനങ്ങളെത്തുന്നു.ഈ മാസം 29,30 തിയ്യതികളിലാണ് ജിദ്ദയില്‍ നിന്ന് വലിയ വിമാനങ്ങള്‍ കരിപ്പൂരിലെത്തുന്നത്. 320 പേര്‍ക്ക് സഞ്ചരിക്കാവുന്ന എയര്‍ഇന്ത്യയുടെ വിമാനങ്ങളാണ് സര്‍വ്വീസിനെത്തുക.
നിലവില്‍ ഇതുവരെ 200 ല്‍ താഴെ യാത്രക്കാര്‍ക്ക് കയറാവുന്ന വിമാനങ്ങളാണ് ഷെഡ്യളില്‍ ഉള്‍പ്പെടുത്തിയിരുന്നത്.ആയതിനാല്‍ 160 വരെ യാത്രക്കാര്‍ക്ക് മാത്രമാണ് ഒരു വിമാനത്തില്‍ എത്താനാവുന്നത്.സഊദിയിലെ ജിദ്ദയില്‍ നിന്ന് ആയിരങ്ങളാണ് നാട്ടിലേക്ക് മടങ്ങാനിരിക്കുന്നത്.രണ്ടാഴ്ചക്കിടെ 11 വിമാനങ്ങളെത്തിയ കരിപ്പൂരില്‍ ജിദ്ദയില്‍ നിന്ന് ഒരു വിമാനം മാത്രമാണ് എത്തിയത്.