ചേളാരി: സമസ്ത കേരള സുന്നി ബാലവേദി ഡിസംബര്‍ 24, 25, 26 തിയതികളില്‍ മലപ്പുറം ബൈത്തുല്‍ ഹികമില്‍ വച്ച് സംഘടിപ്പിക്കുന്ന സില്‍വര്‍ ജൂബിലിയുടെ ഭാഗമായി സംസ്ഥാന കമ്മിറ്റിയുടെ നേതൃത്വത്തില്‍ സംഘടിപ്പിക്കുന്ന പ്രഭാഷക ശില്‍പശാല 30 ന് ഉച്ചക്ക് 2 മണി മുതല്‍ ചേളാരി സമസ്ത ഓഡിറ്റോറിയത്തില്‍ നടക്കും.
സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് മാനേജര്‍ കെ.മോയിന്‍ കുട്ടി മാസ്റ്റര്‍ ഉദ്ഘാടനം ചെയ്യും.
സംസ്ഥാന പ്രസിഡണ്ട് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ അധ്യക്ഷനാകും.
എം.എ ചേളാരി, ഡോ.സുബൈര്‍ ഹുദവി ചേകനൂര്‍, അഫ്‌സല്‍ രാമന്തളി ക്ലാസെടുക്കും. കൊടക് അബ്ദുറഹ്മാന്‍ മുസ്‌ലിയാര്‍ സര്‍ട്ടിഫിക്കറ്റ് വിതരണം നിര്‍വഹിക്കും.
മുന്‍ കൂട്ടി രജിസ്റ്റര്‍ ചെയ്തവരും ജില്ലാ- സംസ്ഥാന ഭാരവാഹികളുമാണ് ശില്‍പശാലയില്‍ പങ്കെടുക്കുന്നത്.