കാസര്‍കോട്: യു.ഡി.എഫ് സ്ഥാനാര്‍ഥിയായി കാസര്‍കോട്ടേക്ക് വണ്ടി കയറിയെത്തിയ രാജ്‌മോഹന്‍ ഉണ്ണിത്താന് കാസ്രോട്ടെ ഫ്രീക്കന്മാരുടെ വക ഉഗ്രന്‍ സ്വീകരണം. കാസര്‍കോട്ടെ യുവാക്കള്‍ക്കിടയില്‍ വ്യാപക പ്രചാരത്തിലുള്ള KL 14 തൊപ്പി ധരിപ്പിച്ചാണ് അദ്ദേഹത്തെ ആനയിച്ചത്.

തൊപ്പി ധരിച്ചുള്ള ഉണ്ണിത്താന്റെ ചിത്രം സോഷ്യല്‍ മീഡിയയില്‍ വൈറലാവുകയാണ്.

തിങ്കളാഴ്ച ഉച്ചയോടെ ചൈന്നൈ മെയിലിലാണ് രാജ്‌മോഹന്‍ ഉണ്ണിത്താന്‍ കാസര്‍കോട് റെയില്‍വ്വേസ്‌റ്റേഷനിലെത്തിയത്. യു.ഡി.എഫ് പ്രവര്‍ത്തകര്‍ ആവേശത്തോടെയുള്ള സ്വീകരണം നല്‍കി. ഇതിനിടയിലാണ് തൊപ്പി ധരിപ്പിച്ചത്.

പെരിയയില്‍ കൊല്ലപ്പെട്ട യൂത്ത് കോണ്‍ഗ്രസ് പ്രവര്‍ത്തകരുടെ വീട് സന്ദര്‍ശിച്ചായിരിക്കും തന്റെ പ്രചരണത്തിന് തുടക്കംകുറിക്കുക.