മട്ടന്നൂര്‍: സംസ്ഥാനതല സമ്പൂര്‍ണ വൈദ്യുതീകരണത്തിന്റെ ഭാഗമായി മട്ടന്നൂര്‍ നിയോജക മണ്ഡലം സമ്പൂര്‍ണ വൈദ്യുതീകരണ പ്രഖ്യാപനം 15ന് മട്ടന്നൂരില്‍ നടക്കും.
വൈകുന്നേരം മൂന്നിന് മട്ടന്നൂര്‍ കൈലാസ് ഓഡിറ്റോറിയത്തില്‍ നടക്കുന്ന പരിപാടി മന്ത്രി എം.എം മണി ഉദ്ഘാടനം ചെയ്യും. ഇ.പി ജയരാജന്‍ എം.എല്‍.എ അധ്യക്ഷനാവും. സംസ്ഥാന സര്‍ക്കാരിന്റെ ഒന്നാം വാര്‍ഷികാഘോഷത്തിന്റെ ഭാഗമായാണ് പരിപാടി സംഘടിപ്പിക്കുന്നത്.
സംസ്ഥാന വൈദ്യുത ബോര്‍ഡും തദ്ദേശസ്ഥാപനങ്ങളും ചേര്‍ന്നാണ് പദ്ധതി നടപ്പാക്കുന്നത്. ചടങ്ങില്‍ പി.കെ ശ്രീമതി എം.പി, ജില്ലാ പഞ്ചായത്ത് പ്രസിഡന്റ് കെ.വി സുമേഷ്, ജില്ലാ കലക്ടര്‍ മീര്‍ മുഹമ്മദലി, വി ശിവദാസന്‍ സംബന്ധിക്കുമെന്നു നഗരസഭ ചെയര്‍മാന്‍ കെ ഭാസ്‌കരന്‍ വാര്‍ത്താസമ്മേളനത്തില്‍ അറിയിച്ചു. എസ്.എം.എ ലത്തീഫ്, വി അബ്ദുല്‍ ഖാദര്‍, കെ.കെ പ്രമോദ് കുമാര്‍ സംബന്ധിച്ചു.