ലക്‌നൗ: മിശ്രവിവാഹിതരായ ദമ്പതികളുടെ പാസ്‌പോര്‍ട്ട് റദ്ദാക്കിയേക്കുമെന്ന് റിപ്പോര്‍ട്ട്. പാസ്‌പോര്‍ട്ട് അപേക്ഷ നല്‍കിയ ദമ്പതികളോട് ഓഫിസര്‍ മതം മാറാന്‍ ആവശ്യപ്പെട്ട സംഭവം വിവാദമായിരുന്നു.
തുടര്‍ന്ന് ദമ്പതികളുടെ പരാതിയുടെ അടിസ്ഥാനത്തില്‍ പാസ്‌പോര്‍ട്ട് ഓഫിസറെ അധികൃതര്‍ സ്ഥലം മാറ്റുകയും ഇരുവര്‍ക്കും പാസ്‌പോര്‍ട്ട് കൈമാറുകയും ചെയ്തിരുന്നു. എന്നാല്‍ പാസ്‌പോര്‍ട്ടിനുള്ള അപേക്ഷയില്‍ താമസ സ്ഥലത്തെ സംബന്ധിച്ച് തെറ്റായ സത്യവാങ്മൂലമാണ് നല്‍കിയതെന്ന കണ്ടെത്തലിന്റെ അടിസ്ഥാനത്തിലാണ് പാസ്‌പോര്‍ട്ട് റദ്ദാക്കാനുള്ള സാധ്യത കണ്ടത്.