അമരാവതി: മുന്‍മുഖ്യമന്ത്രി വൈ. എസ് ചന്ദ്രശേഖര റെഡ്ഡിയുടെ സഹോദരന്‍ വിവേകാനന്ദ റെഡ്ഡിയുടെ ദുരൂഹ മരണവുമായി ബന്ധപ്പെട്ട് അന്വേഷണ സംഘം അദ്ദേഹത്തിന്റെ ഡ്രൈവറെക്കുറിച്ചും അന്വേഷണം തുടങ്ങി.

വൈ.എസ്.ആര്‍ കോണ്‍ഗ്രസ് സ്ഥാനാര്‍ഥി എസ്. രഘുറാമി റെഡ്ഡിയുടെ തെരഞ്ഞെടുപ്പ് പ്രചാരണത്തിനു ശേഷം വീട്ടില്‍ തിരിച്ചെത്തിയ വിവേകാനന്ദ റെഡ്ഡിയുടെ മരണ വാര്‍ത്തയാണ് പിന്നീട് അറിയുന്നത്. തന്റെ ഡ്രൈവര്‍ പ്രസാദ റെഡ്ഡി തന്നെ കൊലപ്പെടുത്തുമെന്ന് തെരഞ്ഞെടുപ്പ് പ്രചാരണത്തിനിടയില്‍ വിവേകാനന്ദ റെഡ്ഡി പറഞ്ഞിരുന്നുവെന്ന് ചിലര്‍ മൊഴി നല്‍കിയിരുന്നു.

ഇതുസംബന്ധിച്ച് അദ്ദേഹം എഴുതിയതെന്ന് കരുതുന്ന ഒരു കത്തും പൊലിസ് കണ്ടെടുത്തിരുന്നു.