മുംബൈ: മുംബൈയിലെ ഘട്‌കോപറില്‍ ചാര്‍ട്ടേഡ് വിമാനം തകര്‍ന്നുവീണ് അഞ്ചു മരണം. വിമാനം നിലത്തിറക്കാന്‍ ശ്രമിക്കുന്നതിനിടെയാണ് തകര്‍ന്നത്.

ഘാട്‌കോപ്പറിലെ സര്‍വോദയ് നഗറില്‍ വ്യാഴാഴ്ച ഉച്ചയോടെയാണ് സംഭവം.
സര്‍വോദയ് നഗറിനടുത്ത് നിര്‍മാണത്തിലിരിക്കുന്ന ഒരു കെട്ടിടത്തിനു സമീപമാണ് ബീച്ച്ക്രാഫ്റ്റ് കിങ് എയര്‍ സി 90 എന്ന വിമാനം തകര്‍ന്ന് വീണത്.

ഉത്തര്‍പ്രദേശില്‍ നിന്നും ജുഹുവിലേക്ക് പോയതായിരുന്നു വിമാനം. വിമാനത്തിലുണ്ടായിരുന്ന രണ്ട് പൈലറ്റുമാരും രണ്ട് എഞ്ചിനീയര്‍മാരും ഒരു വഴിയാത്രക്കാരനുമാണു മരിച്ചതെന്ന് ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ അറിയിച്ചു.

പൊലിസും അഗ്‌നിശമന സേനയും ദുരന്ത നിവാരണ സംഘങ്ങളും അപകട സ്ഥലത്തെത്തിയിട്ടുണ്ട്.