നെയ്‌റോബി: കെനിയയിലെ ഏറ്റവും വലിയ തുറന്ന മാര്‍ക്കറ്റ് കത്തിച്ചാമ്പലായി. തീയില്‍പ്പെട്ട് 15 പേര്‍ മരിക്കുകയും 70 പേര്‍ക്ക് പരുക്കേല്‍ക്കുകയും ചെയ്തു.

കെനിയന്‍ തലസ്ഥാന നഗരിയായ നെയ്‌റോബിയിലാണ് അപകടം. മരത്തിന്റെ യാര്‍ഡിനു പിടിച്ച തീ പടരുകയായിരുന്നുവെന്നാണ് നിഗമനം.

നെയ്‌റോബിയിലെ ഗികോംബ മാര്‍ക്കറ്റില്‍ പുലര്‍ച്ചെ ഒരു മണിയോടെയാണ് തീപിടുത്തമുണ്ടായത്. രണ്ടു മണിക്കൂര്‍ നീണ്ട ശ്രമത്തിനൊടുവിലാണ് തീ നിയന്ത്രണവിധേയമാക്കാനായത്. വന്‍ നാശനഷ്ടങ്ങളാണ് സംഭവിച്ചതെന്ന് കച്ചവടക്കാര്‍ പറഞ്ഞു.