ഡോര്‍ട്ട്മുണ്ട്: ബുണ്ടസ്‌ലിഗയിലെ ആവേശപ്പോരില്‍ കൊലകൊമ്പന്‍മാരായി ബയേണ്‍. കഴിഞ്ഞ ദിവസം കടുത്ത എതിരാളികളായ ബൊറൂസിയ ഡോര്‍ട്ട്മുണ്ടുമായി നടന്ന മത്സരത്തില്‍ 1-0നായിരുന്നു ബയേണിന്റെ ജയം. ജയത്തോടെ ബയേണ്‍ രണ്ടാമതുള്ള ഡോര്‍ട്ട്മുണ്ടുമായുള്ള പോയിന്റ് വ്യത്യാസം ഏഴാക്കി ഉയര്‍ത്തി. 28 മത്സരങ്ങള്‍ അവസാനിച്ചപ്പോള്‍ ബയേണിന് 64ഉം ഡോര്‍ട്ട്മുണ്ടിന് 57ഉം പോയിന്റായി. 43ാം മിനുട്ടില്‍ ജോഷ്വാ കിമ്മിച്ചാണ് ബയേണിനായി വല കുലുക്കിയത്. 18 വാര അകലെ നിന്ന് കിങ്സ്ലി കോമാന്‍ നല്‍കിയ പാസില്‍ നിന്നായിരുന്നു ഗോള്‍നേട്ടം. മറ്റു മത്സരങ്ങളില്‍ വോള്‍വ്‌സ്ബര്‍ഗ് ബയേര്‍ ലെവര്‍കൂസനെ 4-1ന് അട്ടിമറിച്ചപ്പോള്‍ എന്റിച്ച് ഫ്രാങ്ക്ഫര്‍ട്ടും ഫ്രീബര്‍ഗും (3-3), വെര്‍ഡര്‍ ബ്രെമനും മോണ്‍ചെങ്ഗ്ലാബാക്കും (0-0) തമ്മിലുള്ള മത്സരങ്ങള്‍ സമനിലയില്‍ കലാശിച്ചു. 

ബയേണിന് തുടര്‍ച്ചയായ എട്ടാം കിരീടം സ്വന്തമാക്കാനുള്ള സാധ്യതയാണ് തെൡയുന്നത്. ഇനി ആറു മത്സരങ്ങളാണ് ലീഗില്‍ അവശേഷിക്കുന്നത്.