കൊച്ചി: താരസംഘടനയായ അമ്മയിലെ വിവാദങ്ങളുടെ പേരില്‍ ദിലീപിനെ പുറത്താക്കില്ലെന്ന് തീയറ്ററുടമകളുടെ സംഘടനയായ ഫിയോക് ജനറല്‍ സെക്രട്ടറി എം.സി. ബോബി. വിഷയവുമായി ബന്ധപ്പെട്ട് പ്രശ്‌നങ്ങള്‍ ഉണ്ടാക്കാതെ മുന്നോട്ട് പോകുകയാണ് വേണ്ടതെന്നും അദ്ദേഹം പറഞ്ഞു.

വിവാദങ്ങള്‍ ഏറ്റവും അധികം പ്രതിസന്ധിയിലാക്കുന്നത് സിനിമാ മേഖലയെയാണ്. ഇക്കാര്യത്തില്‍ ഒരു വിവാദത്തിന് ഇടനല്‍കാതെ മുന്നോട്ട് പോകുകയാണ് വേണ്ടതെന്നും മുന്‍വിധികളുടെ അടിസ്ഥാനത്തില്‍ ദിലീപ് കുറ്റക്കാരനാണെന്ന് പറഞ്ഞു നടക്കേണ്ട കാര്യമില്ലെന്നും എം.സി. ബോബി അഭിപ്രായപ്പെട്ടു. നടിയെ ആക്രമിച്ചതുമായി ബന്ധപ്പെട്ട കേസ് കോടതിയില്‍ നടക്കുന്നുണ്ട്. ദിലീപ് കുറ്റക്കാരനാണെന്ന് തെളിഞ്ഞാല്‍ അപ്പോള്‍ നടപടി സ്വീകരിക്കാമെന്നും അദ്ദേഹം കൂട്ടിച്ചേര്‍ത്തു.