കൊല്ലം: സിറ്റി പൊലിസ് കമ്മിഷണറുടെ നിര്‍ദ്ദേശപ്രകാരം 14വരെ നടത്തിയ പ്രത്യേക കോമ്പിങ് ഓപ്പറേഷനില്‍ വിവിധ കേസുകളിലെ 16ഓളം പിടികിട്ടാപ്പുള്ളികള്‍ അറസ്റ്റില്‍. കൂടാതെ പ്രത്യേകപരിശോധനയുടെ ഭാഗമായി നിരോധിത പുകയില ഉല്‍പ്പന്നങ്ങള്‍ വിറ്റതിനു അഞ്ചും മയക്കുമരുന്നുകള്‍ ഉപയോഗിച്ചതിന് ഏഴും കേസുകള്‍ രജിസ്റ്റര്‍ ചെയ്തു. മദ്യപിച്ച് വാഹനമോടിച്ചതിന് 57പേര്‍ക്കെതിരെയും അലക്ഷ്യമായും അപകടകരമായും വാഹനമോടിച്ചതിന് 62കേസുകളും വാഹനപരിശോധനക്ക് 1040ഉം പൊതുസ്ഥലത്തു പുകവലിച്ചതിന് 66 കേസുകളും എടുത്തു. കൊല്ലം എ.സി.പി ജോര്‍ജ്ജ് കോശി, ചാത്തന്നൂര്‍ എ.സി.പി ജവഹര്‍ ജനാര്‍ദ്ദ്, കരുഗാഗപ്പള്ളി എ.സി.പി ശിവപ്രസാദ് എന്നിവരുടെ നേതൃത്വത്തില്‍ സിറ്റി പരിധിയിലെ മുഴുവന്‍ പൊലിസ് ഉദ്യോഗസ്ഥരെയും ഉള്‍പ്പെടുത്തിയായിരുന്നു പരിശോധന. വരുംദിവസങ്ങളില്‍ പരിശോധന തുടരുമെന്നു സിറ്റി പൊലിസ് കമ്മിഷണര്‍ ഡോ. സതീഷ് ബിനോ അറിയിച്ചു.