അബുദാബി:പ്രവാസ ജീവിതം അവസാനിപ്പിച്ച് നാട്ടിലേക്ക് യാത്ര തിരിക്കുന്ന യു എ ഇ എക്‌സ്‌ചേഞ്ച് പ്രസിഡണ്ട് വൈ സുധീര്‍ കുമാര്‍ ഷെട്ടിക്ക് അബുദാബി ഇന്ത്യന്‍ ഇസ്ലാമിക് സെന്ററില്‍ വിവിധ സംഘടനകള്‍ യാത്രയയപ്പ് നല്‍കി.

അബുദാബി ഇന്ത്യന്‍ ഇസ്ലാമിക് സെന്റര്‍, അബുദാബി സംസ്ഥാന കെ എം സി സി, അബുദാബി സുന്നി സെന്റര്‍ ഉള്‍പ്പെടെയുള്ള സംഘടനകള്‍ സംയുക്തമായി സംഘടിപ്പിച്ച യാത്രയയപ്പ് സുധീര്‍ കുമാര്‍ ഷെട്ടിയും യു എ ഇ എക്‌സ്‌ചേഞ്ചും ചെയ്യുന്ന മഹത്തായ ജീവ കാരുണ്യ, സേവന പ്രവര്‍ത്തനത്തിന്റെ നന്ദി പറച്ചില്‍ കൂടിയായി മാറി.

മൂന്ന് പതിറ്റാണ്ട് കാലത്തോളം അബുദാബിയിലെ സാമൂഹ്യ സാംസ്‌കാരിക രംഗത്ത് നിറ സാന്നിദ്ധ്യമാണ് വൈ സുധീര്‍ ഷെട്ടി. ലാളിത്യവും, വിനയവും, പുഞ്ചിരിയും കൊണ്ട് ജനഹൃദയങ്ങളില്‍ കാരുണ്യത്തിന്റെ മുഖമായിമാറിയ സുധീര്‍ കുമാര്‍ യു എ ഇ യിലെയും നാട്ടിലെയും ഒട്ടുമിക്ക സാമൂഹ്യ സംഘടകളുടെ വിജയകരമായ പ്രവര്‍ത്തനത്തിന്
യു എ ഇ എക്‌സ്‌ചേഞ്ചിന്റെ അമരത്തിരുന്ന് സഹായങ്ങള്‍ നല്‍കിയ വ്യക്തി കൂടിയാണെന്ന് യാത്രയയപ്പ് യോഗത്തില്‍ സംബന്ധിച്ചവരെല്ലാം ഒരേ സ്വരത്തില്‍ അഭിപ്രായപ്പെട്ടു.

അബുദാബി ഇന്ത്യന്‍ ഇസ്ലാമിക് സെന്ററിന് വേണ്ടി പ്രസിഡണ്ട് പി ബാവഹാജി, ജനറല്‍ സെക്രട്ടറി ഉസ്മാന്‍ കരപ്പാത്ത്, കെ എം സി സി ക്ക് വേണ്ടി പ്രസിഡണ്ട് ഷുക്കൂറലി കല്ലുങ്ങല്‍, ജന.സെക്ര. അഡ്വ.കെ വി മുഹമ്മദ് കുഞ്ഞി, സുന്നി സെന്ററിന് വേണ്ടി വര്‍ക്കിംഗ് പ്രസി.ഹാരിസ് ബാഖവി, ജന.സെക്ര അബ്ദുല്ല നദ്‌വി , എസ് കെ എസ് എസ് എഫിന് വേണ്ടി ജന.സെക്രട്ടറി ശാഫി വെട്ടികാട്ടിരി എന്നിവര്‍ സുധീര്‍ കുമാര്‍ ഷെട്ടിക്ക് ഉപഹാരം നല്‍കി. ഇതോടൊപ്പം അബുദാബി സംസ്ഥാന കെ എം സി സിക്ക് കീഴിലുള്ള വിവിധ ജില്ലാ, മണ്ഡലം, മേഖല കമ്മിറ്റികളടക്കം വേദിയില്‍ വെച്ച് ഉപഹാരം നല്‍കി.യു എ ഇ എക്‌സ് ചേഞ്ചിന്റെ വളര്‍ച്ചക്ക് പ്രവാസികളും സഹപ്രവര്‍ത്തകരും നല്‍കിയ പിന്തുണയാണ് കാരണമെന്ന് സുധീര്‍ കുമാര്‍ മറുപടി പ്രസംഗത്തില്‍ പറഞ്ഞു. കെ എം സി സി പ്രസിഡണ്ട് ഷുക്കൂറലി കല്ലുങ്ങലിന്റെ അധ്യക്ഷതയില്‍ ഇസ്ലാമിക് സെന്റര്‍ പ്രസിഡണ്ട് പി ബാവഹാജി ഉദ്ഘാടനം ചെയ്തു.

അബുദാബി ഇന്ത്യാ സോഷ്യല്‍ സെന്റര്‍ പ്രസിഡണ്ട് രമേശ് പണിക്കര്‍, കേരള സോഷ്യല്‍ സെന്റര്‍ പ്രസിഡണ്ട് ബീരാന്‍ കുട്ടി, മലയാളി സമാജം പ്രസിഡണ്ട് ടി എ നാസര്‍, യു എ ഇ കെ എം സി സി ട്രഷര്‍ യു അബ്ദുല്ല ഫാറൂഖി, വൈസ് പ്രസി. എം പി എം റഷീദ്, ഇസ്ലാമിക് സെന്റര്‍ വൈസ് പ്രസി. എം ഹിദായത്തുള്ള , ട്രഷര്‍ ടി കെ അബ്ദുസലാം, മുന്‍ ജന.സെക്രട്ടറി വി പി കെ അബ്ദുല്ല, കെ കെ മൊയ്തീന്‍ കോയ, വി ടി വി ദാമോധരന്‍ , പി കെ അഹമ്മദ് ബല്ലാകടപ്പുറം, അസീസ് കാളിയാടന്‍, സമീര്‍ തൃക്കരിപ്പൂര്‍, അഷറഫ് പൊന്നാനി, അബ്ദുള്‍ റഹിമാന്‍ തങ്ങള്‍, ബാസിത്ത് കായക്കണ്ടി, എന്നിവര്‍ നേര്‍ന്നു സംസാരിച്ചു.കബീര്‍ ഹുദവി പ്രാര്‍ത്ഥന നടത്തി. ഉസ്മാന്‍ കരപ്പാത്ത് സ്വാഗതവും സാബിര്‍ മാട്ടൂല്‍ നന്ദിയും പറഞ്ഞു.